Inunnik kisitsissummik ikkussineq
Ilulissani nunarsuarmiunut kingornussarsiaqarfimmukartunik inunnik kisitsissummik ikkussineq
Ilulissani UNESCO-p nunarsuarmiunut kingornussarsiarititaanik nakkutilliinerup pitsanngorsarneranut atatillugu maanna inunnik kisitsissutinik sisamanik ikkussisimalerpugut, taakku iluaqutigalugit inuit tamaanga alakkaasartut nakkutiginerulerumallugit. Kisitsissutit taakku ima inissinneqarput:
- Sermermiut tungaanut ikaartarfiusap aallartiffiani
- Pisuttuarfik aappaluttoq Seqinniarfiup tungaanut
- Pisuttuarfimmi kajortumi (sungaartumi) iliveqarfitoqaq
- Pisuttuarfiup tungujortup Qoororsuarmi aallartinnerani
Kisitsissutit siunissami paasissutissanik pingaarutilinnik pilersussavaatigut nunaminertap pineqartup qanoq atorneqarneranut tunngasunik. Paasissutissat tamakku ikiussavaatigut, pisuttuartarfiit Ilulissallu kangerluata eqqaani pinngortitap piujuaannartitsineq tunngavigalugu atorneqarnissaata qulakkeernissaanut.
Kisitsissut kingulleq ullormi 13. august 2024-mi ikkunneqarpoq, ullormiillu tassannga pisuttuarfiit assigiinngitsut akimorlugit paasissutissat imminnut sanillersuussinnaalissavagut.
Nittartakkatsinni ataavartumik saqqummersittarumaarpagut kisitsissutit takutitaat, taamaalilluni soqutiginnittut malinnaasinnaassallutik tamaani pisuttuartartut qassiunersut qanorlu nunaminertami ingerlasarnersut.
