Isilernermi akiliut
UNESCO-mut alakkaaneq akeqalissaaq juuni 2025-imiit
Juuni 2025-imiit aallartittumik Avannaata Kommuniata, Ilulissat illoqarfiata Ilulissallu kangerluata akornani nunami pisuttuarneq, tikeraamut ataatsimut 10 euro-nik akeqalersissavaa, ilanngullugit pisuttuarfiit kajortoq (sungaartoq), aappaluttoq aamma tungujortoq.
Akiliuteqarneq piffissami Ilulissanut tikeraarsimaneq tamakkerlugu atuuttassaaq, pisuttuarfinnik ikaartarfiusanillu aserfallatsaaliinermut ulluinnarnilu nakkutilliinermut tapertaassallutik. Akiliuteqarnermut ilanngullugu tikeraat periarfissaqartassapput audioguide-mik 30 minutsinik atuisinnaanermik, tamaani pinngortitap kulturikkullu oqaluttuassartaanik oqaluttuartumik.
Soormi akeqalersitsisoqarpa?
2004-imili Nunarsuarmiunut kingornussarsiarititamut allaffik kommunimi akileraartartut aningaasalersorsimavaat. Taamaalilluni periarfissaqarsimavoq paasissutissanik sanaartorneq, pisuttuarfinnik nalunaaqutsersuineq, ikaartarfiusanik pilersitsineq kiisalu Park Rangers-inik atorfinitsitsineq eqqiluitsuutitsineq torersuutitsinerlu akissaqartinnissaat.
Takornariat amerliartornerat ilutigalugu isumaqarpugut pissusissamisoortoq, tikeraat aamma nuna nunarsuarmiunut kingornussarsiaritinneqartup nalissaqanngitsumik pinnissusillip illersorneqarneranut aningaasalersueqataappata.
Apeqqutit allat akiliut pillugu uani takukkit
Akiliuteqartitsineq Ilulissat qanittuani nunamut atuuppoq
Erseqqissassallugu pingaaruteqarpoq, akiliut Site Fee nunatamut Ilulissat illoqarfiata aamma Ilulissat kangerluata – Kangiata - akornanniittumut tamarmut atuutissammat – tassa pisuttuarfiinnaanngitsut. Tamanna isumaqarpoq, akiliinissaq piumasaqaataassammat, apeqqutaatinnagu pisuttuarfiit aqqusiorneqarsimasut atuarlugit tamakkuluunniit avaqqullugit angalasoqaraluarpat.
Qanoq iliorluni akiliisoqassava?
- Kangiata Illorsuata saniani biilinut uninngatitsisarfiup eqqaani isissutissamik pisisarfik – automateq – ikkunneqassaaq.
- Attaveqaatit atorlugit akiliisoqarsinnaalissaaq, tikeraanit angalatitsisartunillu toqqaannartumik akiliiffiusinnaasumik
- Kangiata allaffeqarfiani sulisut nunaminertaq tamakkerlugu nakkutilliivigissavaat.
Pingaarutilik: Innuttaasut Kalaallit Nunaanni najugaqartut, inuusuttut 18-it ataallugit ukiullit atuaqatigiilluunniit paasisassarsiorlutik maaniittut akiliissanngillat.
Aaqqissuussinermut matumunnga paasinninnersi tapersersuinersilu pingaartipparput, Ilulissat kangerluata assissaqanngitsup siunissami kinguaariinnut qaqugorsuarmut piujuarnissaa pillugu.