Ilulissani Kangia pillugu inuusuttunut filmi naatsuliaq nutaaq

Ilulissani Kangia pillugu Allaffiup ullumi saqqummiuppaa Ilulissat Kangerluat pillugu Nunarsuarmioqatigiin-nut kingornutassiap nutaamik pissanganarsaakkatut ittumik filmi naatsuliaq. Filmimi peqataasut amerlane-rit Iluliarmiuupput inuusuttut – ilaatigut breakdancertut, snowboardertut imaluunniit apummik uffartut 33-nik issitsigisumi.

18. februar 2013

Filmip kalaallit meerartaannut inuusuttortaannullu sammitinneqarnerusup takutinniartussaavaa Ilulissat Kangerluat takornariarfissaannaanngitsoq. Tassaavorli aamma atorneqarlunilu pingaartitaasoq inuusuttunit nunarsuarmi pinngortitami naliitsuusumi nunaqarnerminnik tanngassimaarutiginnittunik, taanna UNESCO-p Nunarsuarmioqatigiinnut kingornutassiat allassimaffiannut ilanngussaalluni.

Fiilmi minutsit marluk missaanni sivisutigisoq pissanganarsaakkatut suliaasoq inuussutissarsiutigalugu assi-liisartup David Trood-ip assilisaraa, taannattaaq Visit Greenlandimut niiverniutissatut filmilianik suliaqartar-simavoq Taamaattoq filmili suliaritinneqarsimavoq Ilulissani Kangia pillugu Allaffimmiit nammineq atugassi-atut.

Ilulissat Kangerluat pillugu filmi aningaasaliiffigineqarsimavoq Branding Greenlandimit aamma Qaasuitsup Kommunianit. Filmimi nipilersuut nipilersortarup Mikael Rosingip Nuummeersup erinniaralugulu immius-saraa.

Filmi takuneqarsinnaavoq KNR-mi, I Love Greenlandip Facebookimi quppernerani aamma www.kangia.gl-mi, Ilulissat Kangerluat pillugu nittartakkami. Aammattaaq fiilmi takutinneqassaaq Ilulissani Biffen.imi maa-jip qaammataata tungaanut.

Annertunerusumik paasisaqarusukkuit attavigiuk: UNESCO Communication Manager Ivalu Guldager telefoni 947806 aamma e-mail aig@qaasuitsup.gl

Pisut