Sermermiunukarluarsinnaaneq pisuinnaat aqqutaata qulakkeerpaa
Ilulissat illoqarfittaanit Sermermiut qoorua aqqusaarlugu Ilulissat Kangerluanukartarneq pisuinnaat aqqutaata nutaap qulakkeerpaa
2008-mi illoqarfimmiit kangerlummut kilomiiterit aappaata affaanik takissusilimmik pisuinnaat aqqutaanik pilersitsisoqarpoq. Tassani siunertarineqarpoq eqqissisimatitap ilaanut orninneqarnerpaamut atuisartunut aqqummik piuminarnerpaamik isumannaannerpaamillu qulakkeerinissaq. Pingaartumik barnevognilisartut kørestolertullu Kangerlummukarsinnaanertik nuannaarutigisimavaat. Ilutigalug pisuinnarnut aqqutip pinngortitamik itsarnitsanillu nungullaaneq millisissimavaa, ukiunimi kingullerpaani orniguttartut amerliartornerini tamanna kingunerisimammagu.
Pisuttarfik nunap qaaniippoq nunap ilusaanut tulluarsarlugu orpinnillu aalajangersimasunik assigiinngitsunik marlunnik sanaajulluni, taakkulu ukiut ingerlaneranni qaserpalaartumik qalipaateqalerumaarput. Taamatut iliorneq pitsaanerutinneqarsimavoq aqqummiit qallerneqanngitsumit aqqutaata masannera pissutigalugu, UNESCO-p aamma piumasarisimammagu sumiiffimmi atajuartussamik aseruisoqannginnissaa. Pilersaarutaavoq aqqutip naanerani qaqiffiliortoqarnissaa kiisalu nasittarfimmut Nakkaalatsiviup akianiittumut majuartarfik.
