Imminut pilersornermut ineriartortitsinissaq pillugu tapiissutinut qinnuteqarit

Tapiissutit ”Kalaallit Nunaanni Imminut pilersornerup inerisaqarnera” siunertaraa Kalaallit Nunaanni inuussutissarsiornermi sulianut, Kalaallit Nunaanni imminut pilersornermik annertusititsinerunissaanut tapiisarneq.

Inuussutissarsiutigalugu imminut pilersornerup iluani Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut tapiissutinik qinnuteqarsinnaavutit. Tamanna tunisassiortunut suliffeqarfinnut pioreersunut aamma aallartittunut nutaanut atuuppoq.

Imminut pilersornerup iluani nioqqutissiortut, tamaasa nioqqutissiortuupput kalaallit nuaanni nioqqutissanik tunisassianik sunniuteqaqataanermut annertusaaqataappata, tunisassiortfiit nunami immamilu suliaqarfinniit tunisassiassanik pisisartut tunisisartullu aamma/imaluunniit najukkaniit tunisassiat atorlugit tunisassiortut ilanngullugit.

Imminut pilersornerup iluani tunisassiorfiutinnut tapiissutinik qinnuteqarsinnaavutit, Kalaallit Nunaanni imminut pilersornerup iluani annertusaaqataaniaruit aammalu pilersuinerit inerisarniarukku.

Suliffeqarfiutivit tapiissutinik qinnuteqartup, piumasaqaatit ukua naammassisimassavai:

• Suliffeqarfik Kalaallit Nunaanniissaaq,
• Suliffeqarfiup nammineq aningaasaatini atorsinnaassavai, taamaalillunilu akilersuinermik unitsitsisoqarsimassanani, akiliisinnaajunnaarsimassanani taakkununngaluunniit assingusumi inissisimassanani,
• Suliffeqarfik aallarterlaaq siunissamut pilersaarutiminik ersarissumik takutitsisinnaassaaq.

Suliassat sulianulluunniit pisortanit allanit tapiiffigineqarsoreersut aningaasalersorneqareersunillu tapiisoqarsinnaanngilaq. Kisiannili suliffeqarfiit pisortaniit ingerlatsinermut tapiissutinik pissarsisartut imminut pilersornermik ineriartortitsinermut tapiiffigineqarsinnaapput, tamatumani tapiissutit ingerlatsinermut tapiissutiniit allaanerusumik iluseqarpata.

Tapiissutinik qinnuteqarnermi paasissutissat uku minnerpaamik nassiunneqassapput:

• Qinnuteqaat immersorneqarnikoq
• Suliassanut tapiiffigineqarnissamik qinnuteqaateqarfigineqartunut nassuiaat (suliassap qanoq nunatta imminut pilersornerulernissaanut iluaqutaassava?)
• Suliffeqarfiup pilersaarutaa

o Minnerpaamik tapiissummut qinnuteqaatigisamut aningaasartuutissanut missingersuutit, suliniutip suuneranik tunisassiortunillu akinik neqeroorutaasunik ilalinnik imaqassaaq

• Naatsorsuutit akuerisaasut kingulliit (Suliffeqarfiit aalarterlaat suli naatsorsuummik naammassineqarsimanngitsut minillugit)
• Qinnuteqaatinut 100.000 kr. sinnerlugu annertussusilinnut ingerlatsinermut naatsorsuutit.

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmit tapiiffigineqarnissamut akuersissut suliffeqarfimmut piumasaqaatinik nalinginnaasunik arlalinnik imaqarpoq, soorlu:

• Suliniutip siuariartornera pillugu nalunaarsuineq,
• Suliffeqarfiup ukiumi tapiissuteqarfiusumi ukiumoortumik aningaasartuutaanik nalunaarsuineq,
• Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmit qinnuteqqat kiisalu/imaluunniit tapiissuteqarnissamik isumaqatigiissut pillugu saaffiginnissutinut akissuteqarnerit,
• Tapiissuteqartarnernut aalajangersakkanik allannguinissanut periarfissat,
• Suliffeqarfik akiliisinnaajunnaarsimappat tapiissuteqarnissamut neriorsuutinik atornerluinerup kingunerisinnaasai.

Imminut pilersornermut tapiissutinik qinnuteqarniaruit nammineerluni immersuinissamut toortagaq sungaartoq "Ugguuna qinnuteqarit" quppernermi uani qullerpaamiittoq atorlugu qarasaasiakkut qinnuteqarsinnaavutit. Immersuiffissaq qarasaasiakkut immersorniarukku nassiunniarukkulu "Immersoruk nassiullugulu" toqqaruk.

Nammineerluni immersuiffissaq atorniarukku nammineerlutit MitID-risat atorlugu isissaatit.

Ikiortariaqaruit kommunerisannut saaffiginnissinnaavutit.

Imminut pilersornermut tapiissutinik qinnuteqarniaruit nammineerluni immersuinissamut toortagaq sungaartoq "Ugguuna qinnuteqarit" quppernermi uani qullerpaamiittoq atorlugu qarasaasiakkut qinnuteqarsinnaavutit. Immersuiffissaq qarasaasiakkut immersorniarukku nassiunniarukkulu "Immersoruk nassiullugulu" toqqaruk.

Nammineerluni immersuiffissaq atorniarukku nammineerlutit MitID-risat atorlugu isissaatit.

Ikiortariaqaruit kommunerisannut saaffiginnissinnaavutit.

Imminut pilersornermut tapiissutinik mailikkut immaqaluunniit allagarsiatut qinnuteqarniaruit, uku periarfissarivatit.

1. Mailikkut qinnuteqarneq
Toortakkap sungaartup ”Ugguuna qinnuteqarit” tooriarlugu ”Anisiguk” toqqassavat, tullianilu ”Destination” ataani ima allaqqasoq ”Gem som pdf” toqqarlugu. Immersugassaq immeriarlugu, immersugaq aammalu paasissutissat ”Qinnuteqarnissamut piumasaqaatit” ataani ilanngussassatut allaqqasut kakkiuteriarlugit mailikkut uunnga nassiuguk: apn@nanoq.gl

2. Allagarsiakkut qinnuteqarneq
Toortakkap sungaartup ”Ugguuna qinnuteqarit” tooriarlugu ”Anisiguk” toqqariarlugu immersugassaq immersussavat.
Immersugassaq najukkanni innuttaasunik sullissivimmut tunniutissavat.

Qinnuteqartarnermi suliassanillu sullissinermi ingerlatseriaaseq

1. Qinnuteqaat Naalakkersuisoqarfimmit tiguneqassaaq,
   o Qinnuteqartoq qinnuteqaatip tiguneqarneranut uppernarsaammik pissarsissaaq.
2. Suliassani sullissinerit (ullut 60-it missaanni),
3. Naalakkersuinikkut akuersissuteqarnissaq ingerlanneqassaaq,
4. Neriorsuut imaluunniit aalajangiinissamut siunnersuut qinnuteqartumut nassiunneqassaaq,
5. Qinnuteqartoq itigartitsissummik imaluunniit piumasaqaatitalimmik neriorsuummik tigusaqarsimappat akuusunut tusarniaaneq ingerlanneqassaaq (ulluni 14-ini),
6. Qinnuteqartoq itigartitsissummik imaluunniit piumasaqaatitalimmik neriorsuummik tigusaqarsimappat, aammalu akuusunut tusarniaasoqarsimappat neriorsuut imaluunniit aalajangiineq qinnuteqartumut nassiunneqassaaq,
7. Qinnuteqartoq neriorsuummik tigusaqarsimappat, imminut pilersornermut ineriartortitsinissamut tapiissuteqarnissaq pillugu isumaqatigiissut piffissamut killiligaq qinnuteqartumut atsiugassanngorlugu nassiunneqassaaq,
8. Imminut pilersornermut ineriartortitsinissamut tapiissuteqarnissaq pillugu isumaqatigiissut Naalakkersuisoqarfimmut utertinneqassaaq,
9. Isumaqatigiissut Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisumit atsiorneqassaaq,
10. Illuatungeriit atsioreerpata tapiissuteqarnissaq pillugu isumaqatigiissut atuutilissaaq.

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik qinnuteqartumit allanilluunniit paasissutissanik annertunerusunik pissarsiniassalluni pisinnaatitaavoq. Paasissutissat taamaattut qinnuteqaatip suliarinerani ilaatinneqassapput.

Qinnuteqaat nalilersorneqarnera
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup suliassaq ingerlatissavaa qinnuteqaallu nalilersussallugu tapiissuteqartarnermi piumasaqaatit najoqqutaralugit pointilersorneratigut.
Tapiissuteqartarnermi piumasaqaatit:

• Qinnuteqartup teknikkikkut, sammisakkut aningaasatigullu piginnaasai
• Suliffeqarfimmi sullissinerup annertussusaa

Qinnuteqaatinni tapiissuteqarnermi piumasaqaatit naammattumik eqquutitissimagukkit aningaasaqarnermullu inatsimmi aningaasassaqarpat akuerineqassaatit.

Imminut pilersornermut ineriartortitsinissaq pillugu tapiissutinut qinnuteqarnissaq killiliussatut ulloraa 1. maj.

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup aalajangigai naammagittaalliuutigineqarsinnaanngillat.

2026-mut aningaasanut inatsit pillugu Inatsisartut inatsisaat