Pisortat neqeroortitsinerinut neqeroorut nassiuguk

Pisortat neqeroortitsinerinut neqerooruteqarnissamut manna pisortanut qinnuteqartarfiuvoq.
Neqeroortitsinerit ingerlasut, taakkualu piffissaliussaat neqeroortitsisarfiusumi Govgen.gl-imiipput.

Neqeroorutit nassiussinnaassagukku quppernermi uani immersugassaq suliffeqarfiutivit imaluunniit ingerlatsiviup immersussavaa.

Neqeroorutit nassiussinnaassagukku quppernermi uani immersugassaq immersussavat.

Neqeroorutit nassiunniarukku, quppernerup uumap aallaqqaataata nalaani imminut sullinnissamut toortagaq sungaartoq ”Neqeroorut nassiuguk” aqqutigalugu nassiussinnaavat. Imminnut sullinnissamut periarfissaq atorniarukku MitID Erhverv-imik isissaatit.

Neqeroorutit pilersikkukku, nassiukkukkulu neqeroortitsinermi pineqartumi filit piumasarineqartut ilanngussatut ilanngutissavatit.

Malugalugu:
MitID Erhverv-ernik iseruit aatsaat qinnuteqaatit digitalikkut nassiussinnaavat.

Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfiup qinnuteqaat neqeroorut nassiussaq tiguguniuk, Inuussutissarsiutinut Immikkoortortami sullissisussamut ingerlateqqinneqassaaq.

Neqeroorutip nassiussavit tiguneranut uppernarsaat mailikkut tigujumaarpat.

Neqeroortitsinermi ajugaasoq Inuussutissarsiutinut Immikkoortortap Govgen.gl-imi saqqummiukkumaarpaa.

Neqeroortitsinermut apeqqutissaqaruit, apeqqutitit isiin@nanoq.gl-mut nassiunneqarsinnaapput.
Apeqqutit, apeqqutinullu akissutit Govgen.gl-imi tamanut saqqummiunneqassapput.

Neqeroortitsinernut piffissaliussat Govgen.gl-imiipput. Neqeroortitsinerit ingerlasut pillugit takussutissiaq, neqeroorutillu kingusinnerpaamik qaqugukkut nassiunneqarsinnaassanersut nittartakkami takusinnaavatit.

Tulliuttumi inatsisinik unioqqutitsinerit pillugit maalaarutit Neqerooruteqartitsinermi maalaaruteqartarfiup suliarisarpai:

• Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersoq (neqeroortitsinermut inatsit)
• Neqerooruteqartitsisarneq pillugu Inatsisartut inatsisaat nr. 11, 2. december 2009-meersoq

Kikkulluunniit maalaaruteqarnissaminnut inatsisitigut soqutigisallit Neqerooruteqartitsinermi maalaaruteqartarfimmut maalaaruteqarsinnaapput, soorlu assersuutigalugu:

• Suliffeqarfiit suliassamut neqerooruteqarsimallutik suliassamik pissarsinngitsut
• Malittarisassat naapertorlugit neqeroortitsineq pisimagaluarpat, suliffeqarfiit suliassamut qinnuteqartuusimasinnaasut imaluunniit neqerooruteqartuusimasinnaasut imaluunniit pilersuisimasuusinnaasut

Neqerooruteqartitsinermi maalaaruteqartarfik pillugu annerusumik paasisaqarsinnaavutit uani:

• Neqerooruteqartitsineq| Atuisartoqarnermut Unammilleqatigiinnermullu Aqutsisoqarfik