Avaleraasartuunik ammassassuarnillu aalisarsinnaanermut akuersissutinik qinnuteqarneq

Inuussutissarsiutigalugu aalisartutut Aalisarnermut, Piniarnermut, Nunalerinermut, Imminullu Pilersornermut Naalakkersuisoqarfimmit aalisarnermik ingerlatannut akuersissummik atuuttumik peqassaatit.
Aalisarsinnaanermut akuersissummik qinnuteqarsinnaavutit:

• inuttut ataasiakkaatut
• ingerlatseqatigiiffittut peqatigiiffittulluunniit
  
  

Aalisarnermut akuersissut aalisakkamut ataatsimut atuuppoq:

• Sumiiffimmi killilikkami ataatsimi
• Ukiumi ataatsimi 1. januar-imiit december 31-nut, imaluunniit
• piffissami aalisarfiusumi ataatsimi Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmit nalunaarutigineqartumi
  Akuersissummi ukiumi akuersissutip atuuffiani aalisakkanik annerpaamik qanoq tonsinik annertutigisunik pisaqarsinnaanersutit takuneqarsinnaassaaq.

Inuussutissarsiutigalugu aalisartutut nalunaartarnissamut pisussaaffeqarputit. Pisarisatit saniatigullu pisarisuukkatit nalunaarutigisartussaavatit. Saniatigut pisarisuukkani aalisakkat tunisaanngitsut, timmissat, imaani miluumasut, immami pupiit koralillu pineqarput.

Pinngortitap eriaginissaanut inuttut nammineerlutit akisussaaffeqarputittaaq. Imaq ataatsimoorluta isumalluutigaarput ataatsimoorlutalu aamma akisussaaffigalutigu.

Kalaallit Nunaata aalisarnera pillugu, pisassiissutit pillugit, aqutsinissamut pilersaarutit pillugit il.il. Aalisarnermut Piniarnermut, Nunalerinermut Imminullu Pilersornermut Naalakkersuisoqarfiup nittartagaani paasisaqarnerusinnaavutit. www.apn.gl

Avaleraasartuunik aamma ammassassuarnik aalisarneq kalaallit nunaanni nutaajuvoq. Tamanna ima isumaqarpoq, aalisarneq suli ineriartormat aammalu Naalakkersuisut aalisarnermi piumasaqaatinik ataavartumik allannguisarlutik. Ukiumi aalisarfiusumi piumasaqaatit atuuttut Naalakkersuisut.gl aqqutigalugu tusagassiorfinnut nalunaarutigineqartarput.

Inuussutissarsiutigalugu aalisartutut aalisarsinnaanermut akuersissut pillugu qinnuteqarsinnaanermut piumasaqaatit makku naammassisimassavatit:

• Qitiusumik Suliffeqarfinnik Nalunaarsuiffimmi (CVR-registeret) nalunaarsorneqarsimassaatit
• Angallatit Søfartsstyrelsip angallatinut nalunaarsuiffiani nalunaarsorsimassaaq.
• Kalaallit Nunaanni akileraartuussaatit, ukiunilu kingullerni 5-ni akileraartuusimassallutit
• Kalaallit Nunaanni najugaqartuuvutit, ukiunilu kingullerni 5-ni najugaqartuusimallutit

Tamatuma saniatigut ingerlatseqatigiiffinnut makku piumasaqaataapput:

• Ingerlatseqatigiiffik aktiaateqarluni ingerlatseqatigiiffiussaaq, piginneqataassuteqarfiulluni ingerlatseqatigiiffiussaaq, piginneqatigiiffiussaaq,soqutigisaqaqatigiiffiussaaq imaluunniit piginneqatigiilluni umiarsuaatileqatigiiffiussalluni
• Ingerlatseqatigiiffiup aningaasaatai tamarmik inunnit ataasiakkaanit imaluunniit ingerlatseqatigiiffinniit toqqaannartumik toqqaannanngitsumilluunniit pigineqassapput, taannalu
  • Kalaallinut inuiaqatigiinnut aalajangersimasumik attuumassuteqassaaq (piginnittuunermut uppernarsaat aamma inuit allattorsimaffiat
  • Kalaallit Nunaanni inuit nalunaarsorsimaffianni allanneqarsimalluni najugaqassaaq Kalaallit Nunaannilu inuit nalunaarsorsimaffianni allanneqarsimallutik ukiuni siuliini tallimani najugaqassaaq,
  • Ukiuni qaammatisiuteqarfiusuni tallimani siuliini Kalaallit Nunaanni tamakkiisumik akileraartussaatitaasimassaaq
•  Ingerlatseqatigiiffik ukioq kaajallallugu aningaasaqarnikkut patajaatsumik tunngaveqarluni aalisarnissamik qulakkeerinnissimassaaq

Piginnittuuneq pillugu piumasaqaatit allassimasut Aalisarneq pillugu Inatsisartut inatsisaat 23. maj 2024-meersup atuutilernerata kingorna kingusinnerpaamik ukiut qulit qaangiutsinnagit naammasseriissapput.

Aalisarnermut atortuutit pillugit piumasaqaatit:

• Aalisarnermut atortuutit piginnittup aqqanik aamma/imaluunniit angallatip taaguutaanik ersarissumik nalunaaqutserneqarsimassapput. Nalunaaqutsiinerit imermit arrortinneqarsinnaassanngillat.
• Aalisarnermut atortuutit tamarmik atorneqareernermikkut peerneqartarnissaat nammineerlutit akisussaaffigaat. Aalisarnermut atortuutit nalunaaquttap akunneri 24-t ingerlaneranni qaqissinnaassanngikkukkit tamanna KANUAPNA-mut nalunaarutigissavat. Tunngaviusumik killeqarfimmit 3 sømilit iluanni atortuutitit annaasimagukkit tamanna aamma kommunimut nalunaarutigissavat.
  
  

Kiisalu ukiut tamaasa avaleraasartuunut aamma ammassassuarnut taamaallaat atuuttunik piumasaqaatinik tunngavissanillu aalajangersaasoqartarpoq. Tunngavissat taakku Naalakkersuisut.gl. aqqutigalugu tusagassiorfinnut nalunaarutigineqartarput.

Qinnuteqartutut illit nammineq akisussaavutit Avaleraasartuunik aamma ammassassuarnik aalisarnermi tunngavissanik ilisimasaqalissallutit.

Avaleraasartuunik ammassassuarnilluunniit aalisarsinnaanermut akuersissummik qinnuteqarusukkuit (Kalaallit Nunaata, nunat tamalaat, Norgep, Islandip imaluunniit savalimmiut imartaanni) qarasaasiakkut toortagaq sungaartoq toorlugu nammineq sullinnermi "Maana qinnuteqarit" uani quppernerup qaavani allaqqasoq toorlugu qinnuteqassaatit. Immersuiffissaq qarasaasiakkut immersorniarukku nassiunniarukkulu "Immersoruk nassiullugulu" toqqaruk.

Qinnuteqaatinnut makku ilanngunneqassapput:

• Piginnittuunermut uppernarsaat (ingerlatseqatigiiffinnuinnaq attuumassuteqarpoq)
• Angallataativit Søfartsstyrelsenip angallatinut nalunaarsuiffiani nalunaarsorsimaneranut uppernarsaat (qinnuteqartunut/angallatinut nutaanut taamaallaat atuuppoq)
• Nunami sorlermi najugaqarnermut uppernarsaat, tassanilu uppernarsarneqarsimassaaq angallatit Kalaallit Nunaanneersuusoq, ilinnillu pigineqartoq (qinnuteqartunut/angallatinut nutaanut taamaallaat atuuppoq)
• Angallatip takissusaanut uppernarsaat, tassanilu angallatip pisinnaassusaa uppernarsarneqassaaq (qinnuteqartunut/angallatinut nutaanut taamaallaat atuuppoq)
• Pisariaqarpat angallammut tunngatillugu pisinermut uppernarsaat atsiugaq, taannalu nunami sorlermi najugaqartuunermut uppernarsaataagallartutut atorneqassaaq
• Angallatip digitaliusumik qalipaatilerlugu assilineqarnera (qinnuteqartunut/angallatinut nutaanut taamaallaat atuuppoq)

Aalisarsinnaanermut akuersissut aalisagaqatigiinnut ataatsinut atuuttarpoq, taamaammallu aalisakkanut aalisarusutannut immikkut qinnuteqassaatit.

Toortakkap sungaartup "Ugguuna qinnuteqarit" toorneratigut qarasaasiakkut nammineerlutit immersuiffissamik immersuillutit aallartissaatit.

Avaleraasartuunik ammassassuarnilluunniit aalisarsinnaanermut akuersissummik qinnuteqarusukkuit (kalallit nunaanni, nunani tamalaani, norskit, islandsermiut savalimmiulluunniit imartaanni) qinnuteqarnermut immersugassaq immersoqqaassavat.

Toortagaq sungaartoq "Maanna qinnuteqarit" toorneratigut:

•  "Immersoruk anisillugulu" toorsinnaavat, immersugassaq qarasaasiatigut immersornissaa aammalu anisinnissaa kissaatigigukku.

Qinnuteqaatinnut ukua ilanngutissavatit:

• Piginnittuunermut uppernarsaat (ingerlatseqatigiiffinnuinnaq attuumassuteqarpoq)
• Angallatigisavit Søfartsstyrelsenip umiarsuarnut nalunaarsuiffiani nalunaarsorsimaneranut uppernarsaat (qinnuteqartunut/angallatinut nutaanut taamaallaat atuuppoq)
• Nunami sorlermi najugaqarnermut uppernarsaat, tassanilu uppernarsarneqarsimassaaq angallatigisat Kalaallit Nunaanneersuusoq, ilinnillu pigineqartoq (qinnuteqartunut/angallatinut nutaanut taamaallaat atuuppoq)
• Angallatip takissusaanut uppernarsaat, tassanilu angallatip pisinnaassusaa uppernarsarneqassaaq (qinnuteqartunut/angallatinut nutaanut taamaallaat atuuppoq)
• Pisariaqarpat angallammut tunngatillugu pisinermut uppernarsaat atsiugaq, taannalu nunami sorlermi najugaqartuunermut uppernarsaataagallartutut atorneqassaaq
• Angallatip digitaliusumik qalipaatilerlugu assilineqarnera (qinnuteqartunut/angallatinut nutaanut taamaallaat atuuppoq)

Immersugaq Aalisarnermut, Piniarnermullu, Nunalerinermut Imminullu Pilersornermut Naalakkersuisoqarfimmut tunniutissavat.

Qinnuteqaatit nassiutereerukku, qinnuteqaatit Aalisarnermut, Piniarnermut, Nunalerinermut, Imminullu Pilersornermut Naalakkersuisoqarfimmit nalunaarsorneqassaaq, tassuugulu qinnuteqaativit tiguneqarsimaneranik uppernarsaammik nassinneqassaatit.

• Qinnuteqarnissamut ulloq killerititaasoq nallereerpat qinnuteqaatit Aalisarnermut Piniarnermut, Nunalerinermut, Imminullu Pilersornermut Naalakkersuisoqarfimmit suliarineqalissapput.
• Tunngavissat Naalakkersuisut ukiut tamaasa aalajangersortagaat naapertorlugit qinnuteqaatit suliarineqartarput.
• Suliarinninneq naammassippat Naalakkersuisullu aalisarnermut akuersissutit pisassiissutillu pillugit nalunaarut naapertorlugu pisassiissutit agguareerpatigit,
  
  • qinnuteqarsimasuni pisassiissutisisimasut pisassiissutissaannik tunineqarumaarput.
  • pisassiissutissanik tunineqarsimanngitsut tunngavilersukkamik itigartitsissummik nassinneqassapput.
• Avaleraasartuunik ammassassuarnillu pisassat nalinginnaasumik aatsaat aalajangerneqartarput ukiup nutaap aallartereernerani. Qinnuteqaaternut akissummik upernaap aallartilaarnerani tigusaqarumaarputit.
• Pisassiissutit Naalakkersuisut.gl-ikkut imaluunniit tusagassiutitigut nalunaarnikkut saqqummiunneqarumaarput.

 

Aalisarsinnaanermut akuersissummi massakkut pigisanni paasissutissanik allanngortoqarsimappat, tamanna Aalisarnermut, Piniarnermut Nunalerinermut Imminullu Pilersornermut Naalakkersuisoqarfimmut nalunaarutiginissaanut pisussaaffeqarputit. Assersuutaasinnaapput ingerlatseqatigiiffiutit angallataatilluunniit pillugit allannguinerit.

Allannguutit tiguneqariarpata nutaamik akuersissusiunneqassaatit, tassanilu Allannguutit tiguneqariarpata nutaamik akuersissusiunneqassaatit, tassanilu paasissutissat nutaat ilaatinneqarumaarput.

Inuussutissarsiutigalugu aalisartutut paasissutissat eqqortut tunngavigalugit aalisarnermik ingerlatannut akuersissummik atuuttumik peqarnissat akisussaaffigivat.

Avaleraarsartuunut ammassassuarnullu qinnuteqarfissamut killigitinneqartoq Naalakkersuisunit agguaanneqartarpoq.

Naalakkersuisut qinnuteqarfissamut killigitinneqartoq aalajangereerpassuk, tamanna Naalakkersuisut.gl atorlugu tusagassiorfinnut nalunaarutigineqassaaq.

Aalisarnermut, Piniarnermut, Nunalerinermut, Imminullu Pilersornermut Naalakkersuisoqarfimmit aalajangikkat pillugit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut naammagittaalliuutiginissaanut periarfissaqanngilaq.