Najugaq qimannagu ilinniartsitsisunngorniarneq (BA)

Ilinniartitsineq aamma pædagogik soqutigivigit, aamma kalaallit meeqqat inuusuttullu ilinniaqqinnissaannut tunngavissilluarusuppigit?

“Ilinniagaq atorfinissutaasinnaasumik bacheloritut ilinniarneruvoq atugarsorneqartaqarluni sungiusarlunilu sulinertaqarluni” - Britta Lohmann, instituttip pisortaa

Ilinniarfissuarmi ilinniartitsinermi ilinniassavatit pædagogikkimi teoriit, sungiusarlutit sulinerpit nalaani misilerarsinnaasatit. Taamaalilluni ilinniarninni ilinniartitsisutut sulinermut naleqqiullugu misilittagaqalerlutillu teoriitigut tunngavissinneqassaatit.
Siunertaa ilinniartitsisunngorniarnerup

• Meeqqat atuarfiini ilinniartitsisunngornissamut ilinniarneq aammalu sammivinni allani ilinniartitsissinnaanissaq
• Ingerlariaqqinnissanut ammaassisoq masterkandidatinngorniarnermullu

Ilinniartitsisutut sulisinnaalernissami fagimi pamersaanermilu (pædagogik) ilikkagassat ataqatigiinnerisa paasilluarnissaasa maluginiarluarnissaat pisariaqarpoq.
Ilinniartitsisunngorniarnermi isumaliutersuutit sulinerlu (teori og praksis) imminnut attaveqarluarnissaat qitiuvoq.
Atuartitsinermik sungiusarnerit siunertaraat ilinniartitsisuunerup sungiusarnissaa eqqarsaatersorfiginissaanullu periarfissinneqaataasalluni.
Ilinniarnissamut akuerisaaguit, ilinniarnerpit ingerlanerani immikkut atuartitsissutit pingasut sorliit ingerlakkusunnerlugit nalunaarutigissavatit.

Immikkut atuartitsissutini ukunani siullertut tullertullu toqqassavit:

• Danskisut
• Tuluttut:
• Kalaallisut
• Kulturimut tunngasut (oqaluttuarisaaneq, inuiaqatigiilerineq, upperisarsiorneq aamma filosofi)
• Matematikki
• Pinngortitalerineq (uumassusilerineq, sumiiffinni pinngortitalerineq aamma fysikki)

Immikkut atuartitsissutini pingajuattut toqqarsinnaasat uku ilagaat:

• Timersorneq silamiinnerlu
• Eqqumiitsuliorneq assassorlunilu suliaqarneq
• Nerisassat peqqissuserlu
• Nipilersorneq

Ilinniakkamut isernissamut piumasaqaat tassaavoq ataani immersugassat immersorsimanissaat. Ilinniakkamut qinnuteqartut piumasaqaatit uku aallaavigalugit akuerineqartarput: 1) GGS-skala naapertorlugu GUX-imit agguaqatigiissillugu minnerpaamik 5,5-imik karaktereqarneq. Qinnuteqarpoq tunngavilersuutini ilanngutissavaa.

Immikkut artuartitsissummik taasinermi atuuppoq minnerpaamik fagi qinikkani ilinniarnertuunngorniarfimmi una karaktereralugu naammassisimassagaa:

• Minnerpaamik Kalaallisut qallunaatullu qaffasissuseq A-mi minnerpaamik C/7.
• Minnerpaamik Matematikkimi tuluttullu qaffasissueq B-mi minnerpaamik D/4
• Minnerpaamik Immikkut artuartitsissummi qaffasissuseq C-mi minnerpaamik D/4.

Imaluunniit,

2) qinnuteqartoq ilinniarnertuunngorniarfimmi agguaqatigiisillugu 5,5-imik angusisimasoq, uku ilassutigalugit akuerisaasinnaavoq:

• ilinniakkamut attuumassuteqartumut inuussutissarsiutigalugu sulisimaneq imaluunniit naleqquttumik ilinniarnertuutut qaffasissusilimmik ilinniagaqarsimaneq. Qinnuteqartoq aamma tunngavilersuutini ilanngullugu nassiutissavaa. Tamanna Institut for Læringimi suliffimmi/ immikkoortortami aqutsisumik oqaloqateqarnermik malitseqarfigineqassaaq.

Fagimi aalajangersimasumi piginnaasaqartunik arlalinnik qinnuteqartoqartillugu, isernissamut piumasaqaatit sakkortusineratigut toqqaasoqassaaq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Qinnuteqaatit Ilisimatusarfimmit suliarineqassaaq, ilinniagaqarnersiuteqarnissamut qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik Ilisimatusarfimmit allaffissornikkut aqunneqassapput.

nalunaarfigineqassaatit akuerisaasimanerlutit imaluunniit akuerisaasimannginnerlutit.

Eqqaamallugu ilumut ilinnialerniarlutit nalunaarutigissagakku.

Qinnuteqarnerpit nalaani suli soraarummeersimanngikkuit akuerineqarsinnaavutit soraarummeerninni angusisimanissat piumasaqaatiginerqarluni.
Eqqaamallugu soraarummeersimanermut uppernarsaat nassiunneqassammat kingusinnerpaamik juunip 29-ani.

Ilinniarnerup qaqugu aallartinnissaa, ilinniagaqarnersiutit il.il. pillugit kigusinnerpaamik 15 januaari Iliisimatusarfimmit ilisimatinneqassaatit.

Ilinniarnermik aallartiffik
Ilinniagaq ingerlaavartumik 1 septembari

Neqeroortoq
Ilimmarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 6 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat / Suliffiusinnaasut
Ilinniartitsisunngorsimasut amerlanerit meeqqat atuarfianni, ilinniarnertuunngorniarfimmi allaniluunniit ilinniartitsisarput. Ilinniartitsisut ilaat aamma siunnersuinermik, ilisimatitsisarnermik, pisortatulluunniit sulisarput.

Suliffiusinnaasut:

• Meeqqat atuarfii
• Atuarfiit immikkut ittut
• Atuarfiit namminersortut
• Efterskolit
• Inuussutissarsiutinut ilinniarfiit
• Højskolit
• Ilinniarnertuunngorniarfiit
• Atuarfiit inersimasunik atuartitsisut
• Suliffeqarfiit namminersortut

Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
https://da.uni.gl/media/x2eeiohg/laerer-studieordning-2022.pdf

Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut: studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.