Ilinniagaq Human Ressources

Suliffeqarnermik misilittakkatit inerisakkit pigisaq pingaarnerpaaq atorlugu; inuk.
Sulisunik ineriartortitsineq, atorfinititsinerlu suliarissallugit pissaganartuutippigit? Taamaappat akademi-mi ilinniagaq Human ressources toqqassallugu ilinnut tulluartuuvoq.


Sulisoqarnermik ingerlatsinermi sooq akademi-mi ilinniagaqalerpit?
Akademi-mi ilinniagaq Human Ressources ilinnut tulluartuuvoq, sulisoqarnermi atorfinititsinernik, sulisut sulisoriinnarnissannut, ineriartornissaannullu sullisserusussuseqarluartumut. Ilinniakkap ilisimasaqalersillutillu piginnaasaqalersissavaatit, sulisunik, aaqqissuussinermi, ineriartortitsinermi, siunnersuinermi, allaffissornermi, siumullu isigaluni pilersaarusiornermut.

Ilinniagaq diplom-itut ingerlaqqinnissamut periarfissiivoq

Qanoq atuartitsineq ingerlasarpa?
AU Human ressources-mi ilinniartutut suliassat ukuupput: ilinniartitsisoqarluni atuarneq, ilinniartitsisoqarani atuarneq, nammineq ilinniartutuut tiimeqarneq, atuarnissamut piareersarneq, sammisanullu allanut peqataanissaq.

Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.

Akademi-mi Human ressources-imi makku, HR-imi sakkut assigiingitsut atuagarsornikkut, sulinikkullu atorsinnaasassatit, kajumilersitsinermut, sulisut sulisoriinarnissaannik, ineriartortinnissaannik taamatitsinissanullu suliniutit atorsinnaanngussavatit. Aammattaaq ilinniassavat, qanoq ilillutit suliffeqarfik sakkut taakku atorlugit ineriartortissinnaanerlugu. Sulinerni periarfissaqalissaatit piginnasavit, sulinermilu pikkorissutsivit misilerarnissaannut.

Sammisat ukuussapput: Piginnaasanik inerisaaneq, sulisussarsiorneq, oqaloqatigiinneq sulinermi atortutut, sulisoqarnermut inatsisit, sulisoqarnermut immikkoortortaq sulinermik ingerlanneqartoq, suliffimmi sulisoqarnermik ingerlatsineq aamma suliniut soraarummeerutissaq inaarutaasoq

Sulisoqarnermik ingerlatsineq pillugu akademi-mi ilinniakkami ilinnialernissamut suut piumasaqaataappat?
Sulisoqarnermik ingerlatsineq pillugu akademi-mi ilinniarniaraanni, makkua atuarnerit naammassisimassavatit.

• MERX II
• Ilinniarnertuunngorsimanissaq Niuernermi aningaasaqarnermilu imaluunniit assigisai.

Piumasaqaatinik qulaani taaneqartunik naammassinnissimanngikkuit, piginnaasavinnik nalilersuiffigineqarnissaq imaluunnit immikkut akuerineqarnissaq pillugu qinnuteqarsinnaanermut periarfissaqarpoq. Paasissutissanut amerlanerusunut ilinniagaqarnermi aaqqissuussaq atuuttoq takuuk.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 5 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat / Suliffiusinnaasut
Sulinermi taagutit ukuusinnaapput: digitaliseeriinermi sulisoq, Qarasaasialerinermi sulisoq, digitaliseeriinermi ataqatigiissaarisoq imaluunniit siunnersorti.
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
Uani atuagaaraq aasinnaavat:
https://gbs.gl/wp-content/uploads/2024/01/Studieordning-AU-IT.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.