Ilisimatusarfimmut qinnuteqarit

Internet atorlugu qinnuteqaateqassaatit, papilissat atorlugit qinnuteqarnissamut pdf-filimik aallertoqarsinnaajunnaarami.

Uku atussavatit

• NemID imaluunniit MitID
• Papilissat ilinniagarisimasumut tunngasut (meeqqat atuarfiannit karakterinut uppernarsaatit atuutinngillat)

Uku atussanngilasi

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteriinut uppernarsaatit (karakterit tassaniitinneq ajorpavut 2006-imiit ullumikkumut pisortat paasissutissaasiviat)

Malugiuk tiguneqarnissamut piumasaqaatit naammassineqarsimanngippata, tunngavilersuuteqarluni immikkulluunniit akuerineqarnissamut qinnuteqaammut piumasaqaateqartoqarsinnaammat.

Ilisimatusarfimmut qanoq qinnuteqassanersutit videomi takujuk

Ilisimatusarfik tassaavoq Kalaallit Nunaata universitetituaa, tassanilu ilinniagassat assigiinngitsut aqqanillit neqeroorutigineqarput bacheloritut kandidatitullu qaffasissuseqartut.

llisimatusarfik tassaavoq Kalaallit Nunaata universitetituaa, tassanilu ilinniagassat assigiinngitsut aqqaneq-marluk neqeroorutigineqarput bacheloritut kandidatitullu qaffasissuseqartut.

Ilisimatusarfimmut qinnuteqarneq ilutigalugu ilinniagaqarnersiuteqarnissamut qinnuteqassaatit.

Ilinniagaqarnersiutit pillugit annerusumik atuaruk.

Ilinniakkamut immaqaluunniit ilinniagaqarnersiuteqarnissamut qinnuteqarusuppit, uuma quppernerup qulaaniittoq toortagaq sungaartoq “Maana qinnuteqarit” aqqutigalugu qinnuteqarit. Imminut sullinnissamut aaqqiissutit atorniarukkit, illit nammineq NemID-it pigisat isertaatitut atussavat.

Eqqaamallugu
qinnuteqaativit tigusineqarsimaneranut uppernarsaat toqqussagakku. Uppernarsaat e-mailimut qinnuteqaatinnut allassimasannut nassiunneqassaaq.

Malugiuk
Kollegiamut immikkut qinnuteqassaatit www.kaf.gl aqqutigalugu, Nuummi najugallit kollegiamik qinnuteqassapput Nuummi Majoriamut.

Tiguneqarnissamut qinnuteqaatit Ilisimatusarfimmit suliarineqassaaq, ilinniagaqarnersiuteqarnissamullu qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik marluk Ilisimatusarfimmit allaffissornikut suliarineqartarput.

Kingusinnerpaamik ulloq 15. maj ilisimatinneqassaatit tiguneqarsimanersutit itigartinneqarsimanerlutilluunniit.

Ilinniarnermi inissavit qulakkeernissaa eqqaamassavat.

Ilinniagaq isissutaasinnaasoq naammassisimanngikkukku inaarutaasumik soraarummeernermi aalajangersimasumik angusaqarnissamut piumasaqaatitalimmik tiguneqarsinnaavutit.
Inaarutaasumik soraarummeersimanermut uppernarsaatip nassiunnissaa eqqaamallugu kingusinnerpaamik ulloq 30. juni Ilisimatusarfimmut: studieadm@uni.gl.


Juunip ingerlanerani ilinniarnerup aallartinnissaa, ilinniagaqarnersiutisiassat allallu pillugit paasissutissanik Ilisimatusarfimmit tigusaqassaatit.

Qinnuteqaatit allanngortinniarukku, atorunnaarsinniarukku imaluunniit ilassutissaqaruit illoqarfigisanni Majoriamut saaffiginnissaatit qinnuteqarfissamut killissarititaasoq marsip 1-at nallertinnagu. Tamatuma kingorna Ilisimatusarfimmut studieadm@uni.gl saaffiginnissaatit qinnuteqaatit tunuartinniarukku, ilassutissaqaruit imaluunniit paasissutissanik allannguiniaruit.

Kingusinnerpaamik qinnuteqarnissamut piffissaliussaq tassaavoq marsip 1-at.

Eqqaamallugu soraarummeersimanermut uppernarsaat tamakkiisoq nassiunneqassammat kingusinnerpaamik juunip 30-ani.

Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut: studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.