e2-årig Kulturi

GUX sunaava?
Ilinniarnertuunngorniarfik, GUX, inuusuttunut ilinnigaqaqqinnissaminnut piareersarluni atuagarsorluni ilinniarfiuvoq. GUX Aasianni, Sisimiuni, Nuummi Qaqortumilu kiisalu internetsikkut neqeroorutaavoq.

Ilinniarnertuunngorniarfimmi, GUX, ukiuni pingasuni aamma ukiuni marlunni kiisalu atuartitsissutini ataasiakkaani ilassutitullu atuartitsissutinik ilinniartoqarsinnaavoq.

Sooq GUX qinissaviuk?
GUX ilinniakkatigut sammivinnik assigiinngitsunik illit soqutigisannut, ilinniaqqinnissannullu angorusutannut tulluarsakkanik arlalinnik neqerooruteqarpoq.
Soqutiginartumik ilinniagaqarnissaq ineriartornermut aqqutissaavoq: Taanna ilinniarsimagukku suliffissartaarnissannut periarfissaqarnerujussuussaatit. Suliffiit amerliartortut piumasarisarpaat ilinniagaqarsimanissaq.
Aningaasarsiaqarnerunissannut periarfissaqarnerulissaatit: Suliassatigut kisianni aamma inuttut annertuumik ineriartussaatit.

Ilinniakkap sammivia sunaava?
Ilinniakkap sammivia aalajangersimasumik sammisamik ilinniagaqarusukkuit ilinnut naleqquttuuvoq. Assersuutigalugu ilinniakkap sammivissaa qinersinnaavat
ilinniartitsissutit nutaaliorfiusut amerlasuunik ilallit, soorlu nipilersornermik, assilialiornermillu.

Ilinniagassat qaffasissusii
Ilinniartitsissutit assigiinngitsunik qaffasissusillit neqeroorutigineqartarput, A-tut, B-tut aamma C-tut. Ilinniakkat A-t qaffasinnerpaajupput, C-miittullu appasinnerpaajullutik.

Online-kkut ilinniarnertuunngorniarneq, eGUX aqqutigalugu ungasissumiit ilinniarneq neqeroorutaavoq, ilinniarnertuunngorusuttunut, kisiannili illoqarfimminnit nunaqarfimminnit nuunnissaminnit periarfissaqanngitsunut. Aamma ilinnialerusuttunut periarfissaavoq, arlaatigut peqquteqarlutik nikerartumik ilinnialerusullutik kissaateqartunut. eGUX annertunerpaartaa Sisimiuni neqeroorutaavoq.

Ilinniarneq soraarummeernerlu online-kkut ingerlasarpoq. Ilinniarnermut pissarsiassatit kiisalu sulianik tunniussinerit tamarmik online-kkut pisassapput. Misilitsinnerit aamma soraarummeersitsinerit qarasaasiakkut aamma ingerlanneqartassapput. Periarfissaqarluarputillu ulluinnarni ilinniartitsisuvit kiisalu atuaqativit attavigisarnissaannut e-mail-ikkut, chattikkut oqaloqatiginissaannullu.

Piumasaqaataavorli ullut tamaasa peqataaffigisassanni peqataasarnissat, suliakkiutigineqartunullu sapaatip akunneranut piffissaq eqqorlugu tunniussisarnissat.

Uani assersuutitut takusinnaavatit e-ilinniakkani ilinniakkat assigiinngitsut qaffasissusaat.


Ukiuni marlunni ilinniarfiusumi sammiveqarluni ilinniarneq, tamanut, meeqqat atuarfianni soraarummeersi-masumut qinnuteqarfigineqarsinnaasoq. Ilinniagaq piffissaq tamakkerlugu kiisalu internetsikkut ilinniarnikkut ingerlanneqartarpoq. Ilinniakkamut akuerisaanissat kissaatigigukku, internetimut qarasaasiaqarlutillu attaveqassaatit


Ilinniartitaaneq taanna qaffasinnerusumik ilinniartitaanernut akunnattumik sivisussusilinnut arlalinnut Kalaallit Nunaanni, Danmark-imi Nunanilu Avannarlerni allani ilimmarfimmi ilinniartitaanernut amerlanernut periarfissiissaaq. Ilinniartitaaneq ukiunik marlunnik sivisussuseqarpoq nalinginnaasut ilinniakkatut sammiviit marluk toqqarsinnaasatit ukuullutik Science kiisalu Kulturi.


Ilinniarnermi sammivik taanna ilinnuuvoq nunarsuarmiunut atatillugu kulturimik inunnillu soqutiginnittumut, angerlarsimaffimmiit ilinniarusuttumut. Ilinniartitaaneq ukiunik marlunnik sivisussuseqarpoq sunalu tamarmi internetikkut ingerlanneqarluni, taamaattumik illit nammineq internetimut attaveqassaatit qarasaasiaqarlutillu. Ullut tamaasa peqataaffigisassanni atuartitsisoqartassaaq, naak tamanna internetikkut ingerlanneqaraluartoq. Ilinniartitaaneq imminut annertuumik aqussinnaanermik piumasaqarpoq.
Atuartitsissutit soorlu kulturilerineq, upperisarsiorneq inuiaqatigiilerinerlu nunarsuarmi pissutsit pillugit aamma Kalaallit Nunaata nutaaliaasup nunarsuarmioqatigiinnut qanoq tulluarnera pillugu annertuumik ilisimasaqalersissavaatit. Ilinniartitaaneq taanna qaffasinnerusumik ilinniartitaanernut akunnattumik sivisussusilinnut arlalissuarnut aamma Nuummi ilimmarfimmi ilinniartitaanernut amerlanernut periarfissiissaaq. Taanna pingaartumik isumaginninnermi siunnersortinut, ilinniartitsisunut, perorsaasunut, palasinut assigisaanullu sammisuuvoq.

Kalaallisoorneq A
Qallunaatoorneq A
Tuluttoorneq C
Matematiki C
Inuisaaqatigilerineq C
Kulturimut tunngasut C
Nunalerineq C
Timersorneq ilinniakkatut ataatsimoorussatut
Ilinniartitseriaatisit
Ilinniarnermi sammisaqarneq

Ilinniakkami sammivik:
Inuiaqatigiilerineq B
Upperisarsiorneq C
Tuluttoorneq B

Fagi qinigassaq

Ilinniarnertuunngorniarfiup siullertut qinersimasavit qinnuteqaatit makku aqqutigalugit nalilersussavai:

• Inatsisitigut piumasaqaatit
• immikkut akuersissut
• Ilinnialernissamut misilitsinneq

Inatsisitigut piumasaqaatit qanoq isumaqarpat?
Tulliuttut naammassisimagukkit inatsisitigut piumasaqaat naapertorlugu tigusaasinnaavutit. Tassa ima isumaqarpoq tigutinnissat qulakkeerneqartoq:

• suliniummik suliaqarnermi minnerpaamik E-mik karaktereqassasutit
• meeqqat atuarfianni 10. klassimi soraarummeernermi angusani tamani minnerpaamik E-mik karaktereqassasutit
• meeqqat atuarfianni pinngitsoorani naggataarutaasumik misilitsinninni tunngaviusumik karakterinni tamani minnerpaamik E-mik pissarsisimassasutit

Inatsisitigut piumasaqaatinut immikkut akuersissut sunaava?
Kalaallisut, danskisut, tuluttut matematikimilu inaarutaasumik soraarummeerutini pitsaasunik angusaqarsimavutit, kisiannili inaarutaasumik soraarummeerummi ataatsimi marlunniluunniit ANGUSINNGITSOORSIMALLUTIT. Taamatut pisoqarnerani rektorip, naak inatsisitigut piumasaqaatinik naammassinngikkaluartutit tiguneqarnissat IMMIKKUT AKUERSISSUTIGISINNAAVAA. Ilinniarnertuunngorniarfik inatsisitigut piumasaqaatinut immikkut ittumik akuersissuteqassappat inuttut suliatigulluunniit tunngavilersuutinik ilanngussissaatit.

Ilinniartunngornissamut misilitsinneq sunaava?
Ilinniartunngornissamut misilitsinneq apriilip qaammataani ingerlanneqartarput, atuartitsissutini arlalinni tassa kalaallisut, danskisut, tuluttut, matematikimi, pinngortitalerinermi, inuiaqatigiilerinermilu misilitsinnerupput. Misilitsinneq akunnermik ataatsimik sivisussuseqarpoq. Ilinniartunngornissamut misilitsinneq meeqqat atuarfiannik naammassereernerup kingorna siusinnerpaamik upernaakkut tiguneqarsinnaavoq. Ilinniartunngornissamut misilitsinnerit Majoriami, nunaqarfiit atuarfianni, Danmarkimiillu qinnuteqartunut Kalaallit Illuutaanni ingerlanneqartarput. Ilinniartunngornissamut misilitsinnernik angusisimallutik qinnuteqaateqartut, akueritinnissamut qulakkeerneqarsinnaanngillat, kisiannili atuarfinni inissaqarnersoq apeqqutaalluni tigutittoqartarpoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi augustimi aallartissaaq

Neqeroortoq
GUX Sisimiut + Online

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat.

Siunissami periarfissat/Suliffiusinnaasut
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
PDF PJECEN KAL

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.