Industriteknikeri -maskiinanut

Industriteknikeri maskiinanik kaavittartunik, saviminernik, saffiugassanik pastinillu putoorillutillu agguisartunik suliaqartarpoq.
Ilinniarnermi pumpinut, innaallagissiutitut anoraasiutinut, robottinut, motorinut, timmisartunut biilinullu atortussanik sananissaq ilinniassavat. Tamanna teknologii ilisimatusarnermik tunngavilimmit tukkaavik, savik sequtserut- aammalu putoorut atorlugit ingerlanneqartarpoq.

Maskiinat manuelit aammalu automatiskit atorsinnaanissaat ilinniassavat. Ilinniarnermi ilaatigut pingaartumik ingerlanneqartarpoq qarasaasiatigut maskiinat ingerlanneqarsinnaanngornissaanut proggrammeriinermik ilinniarneq.

Industriteknikereq suliffeqarfinnik assigiinngitsorpassuarnik suliffeqarsinnaasarpoq ass. nasiffinni, biililerisuni imaluunniit saviminilerisuni.

Ilinniarneq industrimaskiinanik tunngaviusumik ilinniarfiuvoq. Suliffeqarfissuarni maskiinanik pigineqartartuni assigiinngitsunik programmeeriinissaq, ikkussuinissaq aammalu pitsanngorsaanissaq ilinniassavat. Ilaanni makkuusinnaapput, umiarsuit motooriannut karaaninik imaluunniit saviminilerisarfissuarni tunisassiorfiit qarasaasiatigut aqunneqartut.

Ilinniarnermi ilinniagassat ilagaat ass. savik sequtserut atorlugu suliaqarneq (tassa saffiugassanik agguineq),kaajallaasitsineq aamma nalilersuineq, kisiattaaq teknologiskiunerusunik ilinniagaqarneq soorlu maskiinanik (CNC-maskiinat) qarasaasiatigut aqutaasunik programmeringiineq aammalu tunisassianik inerisaaneq.

Ilaanni aamma pilersitsinermut titartakkat aammalu qarasaasiatigut titartaanermut pilersitsissutsit (CAD/CAM-systemit) ilinniassavatit.

Ilinniarnermi allorfiit

Ilinniarnerit ilaatigut ukunani naammassisinnaavat:

• Industriassistenti (allorfik 1)
• Industriteknikeri immikkut maskiinanik ilisimasalik (allorfik 2) imaluunniit pilersitsineq (allorneq 3)

Inuussutissarsiutigalugu tunngaviusumik ilinniarnermut tigusaanissamut piumasaqaateqarpoq. Pingaarnertut ilinniarnermut ingerlariaqqikkusukkaanni ikaarsaarnermut aalajangersimasunik naammassisimasassanik piumasaqaateqarpoq.

Tunngaviusumik ilinniarnermut tigusaanissamut piumasaqaatit

Inuussutissarsiutigalugu tunngaviusumik ilinniarnermut tigusaaniaruit piumasaqaatinik naammassinneqqaartariaqarputit:

• Meeqqat atuarfiat naammasseqqaarsimasariaqarpat imaluunniit allamik assigusumik naammassinnissimasariaqarputit.
• 9. imal. 10. klasse-mit Danskimi Matematikkimilu naammassinninnermi misilitsinnermi allamiluunniit assigusumi naammassinninnermi inaarutaasumik agguaqatigiisillugu minnerpaamik 2,0 angusimasariaqarpat

Suliffeqarfimmik ilinniarfissatut isumaqatigiissuteqaruit inuussutissarsiutigalugu ilinniarnermut piumasaqaat naammassisimassavat. Taamaattorli ilinniartitaanermut peqataasarnissamut piumasaqaat aamma naammassisariaqarpat.

Pingaarnertut ilinniarnermut ikaarsaarnermut piumasaqaatit
Pingaarnertut ilinniarnermut aallartitsiniarnermi ilinniarnerlu naammassiniarnerani tunngaviusumik ilinniarnermi ilinniagassat ukua inaarutaasumik angusisimaffigineqarsimasariaqarput:

• Fysik F-niveaumi
• Matematik D-niveaumi

Tamatuma saniatigut tunngaviusumik ilinniarnermi uku naammassinnissimanermut allagartat pisimasariaqarpatit:

• Inuussutissarsiutigalugu ilinniarnerni ikiueqqaarneq
• Nalinginnaasumik innermik akiuineq

Pingaarnertut ilinniarnermut aallartinniarnermittaaq ilinniartitaanissamut imaluunniit atuartitaanissamut isumaqatigiissutilioqqaarsimasariaqarputit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit

Ilinniarnermik aallartiffik
Ilinniarneq januar aamma augustimi aallartittarpoq

Neqeroortoq
Next KBH imaluunniit Media College Denmark

Aningaasaqarneq
Qanoq sivisutigisumik sulisimaneq ukiut aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Tamatuma sanatigut tigusaarusukkuit aallaavittut suliffimmik sungiusarfissarsisimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 4 aamma 5-imi inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Paasisaqarnerugit Ingerlaqqiffiusumik inersimasunik ilinniartitaanermi piginnaasat qaffasissusaat.

Siunissami periarfissat/suliffissat
Assigiinngitsutigut film, tv aamma nipilersornikkut, radio- aamma tv-stationini, ussassaarusiortarfinni imaluunniit AV-nilluunnit atortorissaarutinik atukkiisartuni suliffeqalersinnaaneq periarfissarilissavat. Suliaqarfiit annertunerusumik namminersortunit aallunneqakajuppoq. Ilinniarfik una ilinniariaqqinnissanut arlalinnut ingerlariaqqititsisinnaavoq.

Ilinniarnermut pilersaarut
Uani paasisaqarnerusinnaavutit: https://www.ug.dk/uddannelser/erhvervsuddannelser/teknologibyggeriogtransport/film-og-tv-produktionsuddannelsen

Suliap suliarineqarnera imaluunniit alla pillugu maalaaruteqarusukkuit ilinniarfik attavigissavat.