Peqqinnissakkut sullissisoq

Peqqinnissakkut sullissisoq nunaqarfinni/peqqissaasoqarfinni/peqqissaavinni peqqinnissakkut sullissisuuvoq nunaqarfimmilu innuttaasut suleqatigalugit peqqissuunissamut- pitsaaliuinermilu suliniutinik suliaqartuulluni.

Peqqinnissakkut sullissisoq sulerisarpa?
Tamatuma saniatigut peqqinnissakkut sullissisoq, ilinniakkat tunngavigalugit peqqinnissakkut sullissisoq alla napparsimasumut pingaarnertut akisussaassuusoq suleqatigalugu, nunaqarfimmi napparsimmaviup avataani tunngaviusumik suliassanik allanik isumaginnittuuvoq.
Peqqinnissakkut sullissisutut ilinniartitaaneq sap. ak. 22-inik sivisussuseqartoq sap. ak. arfinilinni atuagarsornermik sapaatillu ak. tallimani sulinermik sungiusarnermik immikkoortortaqarpoq. Tamatuma kingorna sap. ak. arfinilinni atuagarsornermik sapaatillu. ak. tallimani sulinermik sungiusarnermik malitseqarpoq.
Ilinniarneq sulinermik sungiusarfimmi naammassineqassaaq.

Sulinermik sungiusarnerup imm. siulleq najukkami napparsimmavimmi/peqqissaavimmi immaqaluunniit nunaqarfimmi ingerlanneqassaaq.
Sulinermik sungiusarnerup imm. aappaat najukkami napparsimmavimmi/peqqissaavimmi/peqqissaasoqarfimmi ingerlanneqassaaq.
Sulinermik sungiusarnerup nalaani suliffimmi sungiusaasoqassaatit Peqqissaanermillu Ilinniarfimmi attaveqarfeqassallutit.

• Sulinermik sungiusarnissamut akuerineqarneq/ilinniartunngornissamut isumaqatigiissusiorsimaneq
• Meeqqat atuarfiannit soraarummeernermi qallunaatut kalaallisullu oqaasilerinermi minnerpaamik karakteerimik D-mik angusisimanissaq kiisalu kisitsisilerinermi matematikkimilu karakteerimik E-mik angusisimanissaq
• Pinerluuteqarsimannginnermut uppernarsaateqarnissaq

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq 

Neqeroortoq 
Peqqissaanermik Ilinniarfik (PI)

Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
ilinniarnermik naammassereeruit ukunani atorfininniarsinnaavutit ulluunerani paaqqinnittarfiit aamma ulloq unnuarlu paaqqinniarfiit.Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
Uani atuagaaraq aasinnaavat: https://pi.sps.gl/ka/ilinniakkat/siunnersuinermi-ikiortitut-ilinniagaq/

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.