Sætteskipper

Naalakkatut ilinniarnerpit piginnaatilissavaatit umiarsuarni mikisuni akunnattunilu aquttutut, naalakkatut aamma sulinermi aqutsisutut ingerlatsinissannut. Sætteskipperitut piginnaaneqarputit umiarsuarni niuffagiutini tamani 1. aamma 2. aquttutut angalanissannut. Naammaginartumik angalasimaguit umiarsuarni niuffagiutini 3000 BT inorlugit angissusilinni aamma naalakkatut angalasinnaavutit.

Ilinniartitaanerup imarisai:
Atuartitaaneq navigations- imaluunniit skipperskolemi ingerlanneqassaaq.Tassani sammisat makkua aallutissavatit sumiissusersiorneq, silasiorneq, pigaartooqatigiinneq, takussaasumik kalerrisaarineq, skibsteknik, peqqinnermut ilinniarneq, isumannaallisaaneq aamma avatangiisinik illersuineq, maskiinalerineq, ikuallattumik akiuineq, danskisoorneq, tuluttoorneq aamma pc-imik atuineq. Ilanngulluguttaaq usinik passissusineq ittujaarsuinerlu ilinniassavatit.

Sætteskiperitut ilinniarneq aallartissagukku, ilinniarnissamut piumasaqaatit makkua piumasarineqarput:

1. Imarsiornermik Ilinniarfimmi imaluunniit skoleskibimi skibsassistentitut tunngaviusumik pikkorissarneq naammassisimagukku, piumasarineqarpoq aquttunngorniartut qaamma-tini 12-ini angalasimanissaq imaluunniit skibsasisstentitut sungiusimanngitsutut qaammatini 18-ini angalasimanissaq.
2. Aamma ilinnialersinnaavutit skibsassistentitut sungiusimanngitsutut qaammatini 15-ini angalasimaguit. Taamaalissaguillu skibsassistentitut naggataarutaasumik pikkorissarneq naammassisimassavat.
3. Suliamut tunngasumik ilinniarsimaguit (jern og metal, ukiuni 3-4-ini) aammalu Imarsiornermik Ilinniarfimmi imarsiornernermik pikkorissarneq sapaatit akunneri 10-it ingerlassimagukku, piumasarineqarpoq skibsassistenitut qaammatini 12-ini angalasimanissat.
4. Skibsmekanikeritut ilinniarsimaguit, toqaannaartumik ilinnialersinnaavutit. Piumasarineqarporli skibsmekanikeritut ilinniarninni sivikinnerpaamik qaammatini 12-ini angalareersimanissat.
5. Piumasarineqartutut qaammatini 12-ini umiarsuarni 500 BT-inik anginerusuni angalasimanissaq ingerlanneqareersimassaaq, taakkunani qaammatini 6-ini sinerissap qanittuata avataani umiarsuarni angalanerussalluni.
6. Ilanngulluguttaaq Imarsiornermik Ilinniarfimmi tigusaassagaanni pigaartuunissamut allagartaq atuuttuusoq kiisalu peqqinnissamut allagartaq (atuagaq tungujortoq) atuuttuusoq pigereerneqassapput.
7. Ilanngulluguttaaq piumasarineqarpoq meeqqat atuarfianni 10. klassemi naggataarutaasumik misilitsinnermi danskisut, tuluttut, matematikkimi, fysik aamma kemiimi minnerpaamik 02-imik karaktereqarnissaq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi juuni-imi aallartissaaq

Neqeroortoq
Imarsiornermik Ilinniarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput.
Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat/ Suliffiusinnaasut
Imarsiornerup iluani sulisinnaassaatit. Aalisakkerinerup iluani sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
https://maritim.gl/ka/aalisariutinut-ilinniarneqarsinnaasut/sumiisusersiortoq/saetteskipper/

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.

• Ilinniagaqarnersiutit
• Ilinniartut ineqarfiisa allaffeqarfiat - KAF
• Ilinniagaqarsimasunut-skibsassistenimut-pikkorissarneq
• Inuutissarsiutigalugu aalisarnermi piniarnermilu tapertaqartinneqartumik tunngaviusumik ilinniarneq
• Fiskeskipper af 1. grad
• Fiskeskipper af 3. grad
• Tunngaviusumik niuffagiutinut ikiortitut ilinniartitaaneq
• Kystskipper
• Ilinniagaqarsimasunut skibsassistenimut pikkorissarneq
• Trawlbas
• Tunngaviusumik qalulerisoq