Kalaallisuut ammerinerlu

Kalaallisuuliornermik ilinniartitaanerup siunertaraa ilinniartup ilisimasassatigut piginnaasassanik ineriartortitsillunilu pigisaqaleriartornissaa tamakkiisumik kalaallisuuliornermik suliassat iluini piginnaaneqarluarluni namminersorlunilu sulisinnaalernissaminut.
Aammattaaq anguniagaavoq ilinniartup sungiusartullu nutaaliornernik naleqqussaanernillu aallussisinnaalernissaa misilittagaqalernissaalu taamatullu pilersitsisinnaassuseqarnermik aallarniisinnaassuseqarnermillu inerisarnissaa.
Kiisalu kalaallisuuliornermik ilinniartitaanerup siunertaraa ilinniartup kalaallisuuliornerup tungaatigut ilisimasassatigut inerisartuarnissamut, kiisalu ilinniagaqaqqinnissamut ilinniaqqinnissamullu piginnaanngortinneqarnissaa kajumissuseqartunngortinneqarnissaalu.
Kalaallisuuliortunngorniarluni ilinniarnermut tunuliaqutaavoq nunatsinni kalaallisuuliornermik piginnaaneqartunik pisariaqartitsisoqarnera, piorsarsimassutsikkut eriagisassat tammatsaaliornissaa, aammalu tunngaviusumiit ineriartortitsinissamik siunnerfeqarnissaq.

Siunertaq ukiuni pingasuni ilinniartitsinermi ilinniartitsissutigisassatut siunniussat.
• Kalaallisuuaqqat niviar / nukapp (marlunnik ukiulinnut )
• Ilinniartoq imminut KITAAMIUSUT kalaallisuuliuutissaaq
Qinigassarineqarsinnaavoq kamitsanik imaluunniit kamiit takisuut sioqqerfilinnik naammassissuteqarsinnaalluni.
• Angutinut kamit, annoraaq.
• Ilisserutinik itinerusunik ilikkarnissaat.
• Skolepraktik:

• Kamiit naatsut sioqqerfillit
• ataasiallit
• allapalaarutissiamik avittarneq
• Nallartitat/tunuasiguukkat
• Nutaaliorneq

Ilinniarneq ukiunik marlunnik sivisussuseqarpoq, ilinniarneq sungiusarnerlu sap. ak. 78 katillugit
Ilinniarfimmi ilinniarnissaq taavalu sungiusarnissaq sisamanngorlutik avitaapput. Ilinniarfissat Kalaallisuuliornermik ilinniarfimmi ingerlanneqartassapput.

Ilinniarfimmi ilinnianeq 1

• Intro/paasissutissiiffik
• Tikilluaqqusineq, ilinn. mappi, ilisaritinnerit
• Ilinniariaaseq/ilinniarnermilu atugassarititaasut
• Ikiueqqaarneq
• Suliffigissaaneq

8 timer

Ilinniartitsissutissat

• Ammerineq
• Qassanneq / qapiarneq / pukit
• Ammit kilorneri
• Atungassat
• Unniliorneq / tungujorsialerineq
• Innerneq
• Ammit meqqullit
• Qasigiaq

Katillugit 288 timer

Avittarneq

• Avittassanik qalipaaneq meeqqanut / inersimasunut katillugit
• Qapialittaaneq
• Sioqqat / qiukkat, nallartitat, akussitat
• Kamitsat qulissai /meeqqanullu katillugit
• PC

Katillugit 328 timer

Mersorneq

• Ilisserineq meeqqat / inersimasunut
• Kamitsat timai, qulerfilerfik tutsiterineq
• Atunngerneq
• Qulit avittallit mersorneri, nuisaartut akussillugit
• Seeqqerngit sioqqat, materteq,ungerfilerfiisaalu katerneri

Katillugit 160 timer

Annoraamerngit

• Annoraaq / timmiaq
• Qungasequt allapalaagaq, qulit allapalaakkat + pc
• Putoortut + pc
• Tajarutit sapangaaralersukkat

Katillugit 284 timer

Sapangaaqqat

• Nuilarmiut, atsipaaqutit nipinngasullu
• PC

Katillugit 180 timer

Katillugit nal.ak. 1248 timer

Ilinniarfimmi sungiusarneq 1
Ilinniartitsissutissat skolepraktik

• Kamiit naatsut sioqqerfillit
• Ataasiallit
• Allapalaarutissiamik avittarneq
• Nallartitat/tunuasiguukkat
• Nutaaliorneq

Katillugit nal.ak 256 timer

Specialeliorneq siunertaalu
Tunngaviusumik ilinniareersimanermi Kalaallisuuliornermi Ilinniarfimmi ukiup affaanik ingerlaqqinnerup siunertaraa, assuutinik, qangatoortunik nutaalianilluunniit ilinniagagarluni naammassisaqarnissaq.
Ilinniarnerup anguniagaraa ilinniartut ingerlaqqinnermi, qangatoortunik nutaalianillu aallussisinnaanissaat misilittagaqalernissaallu, taamatullu pilersitsisinnaassuseqalernissaat aallarniisinnaassuseqalernissaallu.
Ilinniartoq ilinniagassaminik toqqaasinneqassaaq. Ilinniagassatut toqqagassani pingasut toqqarneqassapput. Toqqaanerup kingorna ilinniartoq ilinniartitsisumik peqatigineqarluni isumasiorneqassaaq. Isumasiuineq naapertorlugu ilinniartitsisoq ilinniartup ilinniarnermini ingerlaarnissaanik pilersarusussaaq.

Ilinniagassatut toqqagassat:

• Kamiit takisuut seeqquallit sioqqerfillit
• Kamiit naatsut sioqqerfillit
• Seeqqinit naatsut nallartitanik siorallit
• Seeqqinit sammiarnillit/sammivernillit
• Avanersuarmiut assuutaat
• Tunumiut assuutaat
• Nutaaliorneq
• Qilakitsormiutut atisat
• Ataasiallit

Ilinniagassatut toqqagassatut allattorsimasut saniatigut itinerusumik sammineqassapput: annoraaminilerineq ilisserusiornerlu.
Ilinniartut ilinniagassamisut toqqagaat, Ilinniarfiullu amissaqarniarnera apeqqutaalluni ammerineq ingerlanneqassaaq.
Ilinniartoq ilinniartitsisumik peqatigineqarluni ammit atugassat aaliangersarneqassapput, tassani ilinniarfiup amissaqarniarnikkut inissisimanera aaliangiisuusinnaasarnera eqqortumik isiginiarneqassaaq.
Ilinniarnermi piumasaqaataavoq, ilinniartup ilinniartitsisullu naammassissutissatut isumaqatigiissutigisaat tamakkerlugit ilinniartumit mersorneqarlutik naammassineqassamata. Ilinniarnerup aallartinnginnerani ilinniartitaanerup aaqqissuussaanerata paasilluarsimanissaa kissaatiginarpoq.

Specialiliornermi toqqagassat suliassartai
Toqqagassat tamarmik immikkut aaliangersimasunik piumasaqaategqarfiullutillu ingerlaarneri assigiinngitsuupput.

Piumasaqaataavoq kusanartumik mersoqqissaarnissaq.

1. Kamiit takisuut seeqquallit sioqqerfillit
Qinigassaavoq kamiit seeqquallit sioqqerfilinnginnissaat.

Alersit
Uuttuineq, titartaaneq, ilusilersuineq, uuttuineq, ilisserineq, pilassineq, pillarissaaneq, quliusiineq, ikerngualiineq, mersuussinerlu.

Kamisat
Uuttuineq, titartaaneq, ilusilersuineq, pilassineq, pillarissaaneq, pussarusersuineq, mersuussineq, tutsiterineq, tigusarneq, kammiornerlu.

Qulerfiit
Uuttuineq, titartaaneq, ilusilersuineq, pilassineq, pillarissaaneq, avittarneq, mersuussinerlu.

Seeqquat
Uuttuineq, titartaaneq, ilusilersuineq, pilassineq, pillarissaaneq, kitserineq, avittarneq, mersuussinerlu.

Sioqqerfiit
Uuttuineq, titartaaneq, ilusilersuineq, pilassineq, pillarissaaneq, kitserineq, avittarneq, mersuussinerlu.

Avittarneq
Uuttuineq, titartaaneq, ilusilersuineq, pilassineq, pillarissaaneq, kitserineq, mersuussinerlu.

Tutsiterineq

2. Kamiit naatsut sioqqerfillit
Uuttuineq, titartaaneq, ilusilersuineq, uuttuineq, ilisserineq, pilassineq, pillarissaaneq, quliusiineq, ikerngualiineq, mersuussinerlu.

Sioqqerfiit
Uuttuineq, titartaaneq, ilusilersuineq, pilassineq, pillarissaaneq, kitserineq, avittarneq, mersuussinerlu.

Qulerfiit
Uuttuineq, titartaaneq, ilusilersuineq, pilassineq, pillarissaaneq, avittarneq, mersuussinerlu.

Kamisat
Uuttuineq, titartaaneq, ilusilersuineq, pilassineq, pillarissaaneq, pussarusersuineq, mersuussineq, tigusarneq, kammiornerlu.

Tutsiterineq

3. Seeqqinit naatsut nallartitanik siorallit
Nallartitat
Uuttuineq, titartaaneq, ilusilersuineq, pilassineq, pillarissaaneq, kitserineq, mersuussinerlu.

Seeqqinit
Uuttuineq, titartaaneq, ilusilersuineq, pilassineq, pillarissaaneq, amermik qitulisaaneq, ilisserineq, mersuussinerlu.

Tutsiterineq

4. Seeqqinit sammivernillit/sammiarnillit
Sioqqiornermi toqqagassaapput nallartitsineq avittarnerluunniit.

Nallartitat
Uuttuineq, titartaaneq, ilusilersuineq, pilassineq, pillarissaaneq, kitserineq, mersuussinerlu.

Avittarneq
Uuttuineq, titartaaneq, ilusilersuineq, pilassineq, pillarissaaneq, kitserineq, mersuussinerlu.

Seeqqinit
Uuttuineq, titartaaneq, ilusilersuineq, pilassineq, pillarissaaneq, amermik qitulisaaneq, ilisserineq, mersuussinerlu.

Tutsiterineq

5. Avanersuarmiut assuutaat
Avanersuarmiutut assuusiornermi ilinniagassatut ilaapput: Avanersuarmiutut atungassineq, singilerfissalinnik atungassanik piareersaaneq, atunngernerlu.

Arnamut
Nanut
Uuttuineq, titartaaneq, ilusilersuineq, ilisserineq, pilassineq, pillarissaaneq, mersuussinerlu.

Arnatuut
Alersit:
Uuttuineq, titartaaneq, ilusilersuineq, ilisserineq, amermik qitulisaaneq, pilassineq, pillarissaaneq, mersuussineq, ikerngualiineq, nanorartaliinerlu.

Kamisat:
Uuttuineq, titartaaneq, ilusilersuineq, ilisserineq, pilassineq, pillarissaaneq, mersuussineq, Qaanaarmiutut singilerfissalinnik atunngerneq, kammiorneq.

Annoraaminermik annoraaq
Uuttuineq, titartaaneq, ilusilersuineq, ilisserineq, pilassineq, pillarissaaneq, mersorfissorneq, manissaanerlu.

Amermik amaat
Uuttuineq, titartaaneq, ilusilersuineq, amermik qitulisaaneq, ilisserineq, pilassineq, pillarissaaneq, mersuussineq.

Angummut
Nanut:
Uuttuineq, titartaaneq, ilusilersuineq, ilisserineq, amermik qitulisaaneq, pilassineq, pillarissaaneq, mersuussineq.

Kamerussat
Alersit:
Uuttuineq, titartaaneq, ilusilersuineq, ilisserineq, pilassineq, pillarissaaneq, mersuussineq, ikerngualiineq, nanorartaliinerlu.

Kamerussat:
Uuttuineq, titartaaneq, ilusilersuineq, ilisserineq, amermik qitulisaaneq, pilassineq, pillarissaaneq, mersuussineq, atunngerneq, kammiorneq.

Annoraaq:
Uuttuineq, titartaaneq, ilusilersuineq, ilisserineq, pilassineq, pillarissaaneq, mersorfissorneq, manissaanerlu.

6. Tunumiut assuutaat
Amaat

Uuttuineq, titartaaneq, ilusilersuineq, ilisserineq, mersuussineq.

Qaddippaat
Uuttuineq, titartaaneq, ilusilersuineq, ilisserineq, amermik qitulisaaneq, pilassineq, pillarissaaneq, mersuussineq.

Kamiit seeqqoq tikillugu takissusillit
Alersit:
Uuttuineq, titartaaneq, ilusilersuineq, ilisserineq, pilassineq, pillarissaaneq, pussarineq, mersuussineq, ikerngualiineq, nanorartaliinerlu.

Kamiit:
Uuttuineq, titartaaneq, ilusilersuineq, ilisserineq, pilassineq, pillarissaaneq, mersuussineq, atunngerneq, kammiorneq, tigusarneq.

Angut:
Igiaq
Uuttuineq, titartaaneq, ilusilersuineq, ilisserineq, pilassineq, pillarissaaneq, mersuussineq, manissaanerlu.

Kamiit erisat
Alersit:
Uuttuineq, titartaaneq, ilusilersuineq, ilisserineq, pilassineq, pillarissaaneq, mersuussineq, ikerngualiineq, quliusiinerlu.

Kamiit:
Uuttuineq, titartaaneq, ilusilersuineq, ilisserineq, pilassineq, pillarissaaneq, mersuussineq, atunngerneq, kammiornerlu.

7. Nutaaliorneq
Nutaaliorneq tassaavoq atisalioriaasitoqqanik isumassarsiorfeqarluni suliaqarneq.
Atortunik nutaaliaasunik suliamut ilanngussaqarneq tassaalersitsivoq nutaaliorneq.

Nutaaliornermi ilinniartoq nammineerluni suliassaminik siunniussaqartarpoq, tassani nunatsinni atisalioriaatsit assigiingitsut isumassarsiorfigisassatut eqqarsaatersuutigineqartarput.
Suliassatut aaliangiisoqarsimatillugu, ilinniartoq iliniartitsisorlu peqatigiillutik isumasiogatigiittarput suliassat ingerlaarnissaannik pilersaarusiorneq ingerlallugu.

Immikkut maluginiagassaavoq
Ilinniarfiup amissaqarniarnera suliassanut aaliangiussiniarnermi aaliangiisunngorsinnaasarnera. Nutaaliornermi suliat assigiinngilluinnarsinnaaneri peqqutaallutik suliassatut piumasaqaatit assigiinngitsorujussuusarmata, ilinniartup suliassatut aaliangiussimasaat ilinniartitsisut immikkut ingerlariaqqissaq suliassallu aaliangersaaffigisarpaat.

8. Qilakitsormiutut atisat
Amaat
Uuttuineq, titartaaneq, amermik qitulisaaneq, ilisserineq, pilassineq, pillarissaaneq, mersuussineq.

Seeqqinit
Uuttuineq, titartaaneq, ilusilersuineq, amermik qitulisaaneq, ilisserineq, pilassineq, pillarissaaneq, mersuussineq.

Kamiit
Alersit
Uuttuineq, titartaaneq, ilusilersuineq, ilisserineq, pilassineq, pillarissaaneq, amermik qitulisaaneq, mersuussineq.

Kamiit
Uuttuineq, titartaaneq, ilusilersuineq, ilisserineq, pilassineq, pillarissaaneq, mersuussineq, atunngerneq, kammiorneq, tigusarneq.

9. Ataasiallit
Alersit
Uuttuineq, titartaaneq, ilusilersuineq, uuttuineq, ilisserineq, pilassineq, pillarissaaneq, quliusiineq, ikerngualiineq, mersuussinerlu.

Qulerfiit
Uuttuineq, titartaaneq, ilusilersuineq, pilassineq, pillarissaaneq, avittarneq, mersuussinerlu.

Avittarneq
Uuttuineq, titartaaneq, ilusilersuineq, pilassineq, pillarissaaneq, kitserineq, mersuussinerlu.

Kamisat - ataasiallit
Uuttuineq, titartaaneq, ilusilersuineq, pilassineq, pillarissaaneq, pussarusersuineq, mersuussineq, tutsiterineq, tigusarneq, kammiornerlu.

Ilinniartunngortussaq minnerpaamik meeqqat atuarfianni naammassisimassaa piumasaqaataavoq. Tamannali piumasaqaat immikkut branchudvalg-ip siulittaasuata ilinniarfiullu pisortaata akuersinerisigut allannguuteqarsinnaavoq. Kiisalu ilinnialertussap 18-leereersimanissaa piumasaqaataavoq.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq Sap.ak. 2-mi aallartissaaq

Neqeroortoq
Kalaallisuuliornermik Ilinniarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffinni misiliiffissamik nassaareersimanissamut piumasaqaateqanngilaq.

Siunissami periarfissat / Suliffiusinnaasut
Kalaallisuuliornermik ilinniarfimmi ilinniarsimasutut makku iluanni suliffeqalersinnaavoq:
Meeqqat atuarfianni ulluni sammisaqarfinni ilinniartitsineq, katersugaasiviit, Kommuneqarfiit sammisassaqartitsiviini.

Ilinniarnermik aaqqissuussineq
PDF

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.