TNI- Immikkuullarissumik sammivilimmik pisiniartitsisunngorniarneq

Immikkuullarissumik sammivilimmik pisiniartitsisunngorniarluni TNI-mi ilinniarneq sivikinnerpaamik ukiunik sisamanik sivisussuseqarpoq, taakkunannga suliffimmi misiliineq kiisalu ukiuni siullerni pingasuni atuagarsorneq Kalaallit Nunaanni ingerlanneqartarpoq. Immikkut atuagarsornerit ukiut atuarfiusut sisamaanni Danmarkimi ingerlanneqartarput, aamma danskit atuarfiini pilersaarusiornerit apeqqutaasarput, tassa imaappoq ilinniarneq ukiut sisamat sinnerlugit aamma ukiut tallimat angullugit atuagarsortoqarsinnaavoq.

Suliassaqarfik

Pisiniarfinni pingaarnertut nioqqutissanik aalajangersimasuni nioqquteqartuni atorfinitsitsineq pissaaq.

Ilisarnaatit

Piffissami sungiusarluni suliffimmiittoqassaaq, suliffimmi Pisiniarfimmi ikiortitut ilinniarnerup isumaginissaanut akuerisaasumi ilisarnaatilimmi – soorlu imatut:

• Annoraamernit
• Sanaartornermi atortunik nioqquteqartut, sannatit, atortut ikkuttakkat
• Atuagaarniarfik
• Kallerup inneranoortut nioqqutissat aamma qerititsiviit, errorsiviit assigisaallu
• Assiliinermut atortuerniarfik
• Kuulti, sølvi nalunaaquttallu
• Pinngussat sunngiffimmilu sammisassanut atortut
• Pequtaarniarfik
• Radio/TV aamma attaveqariaatsit assigiinngitsut
• Nipilersorneq, videut aamma qarasaasiami programmit najoqquttallu
• Skuut aamma amminik nioqqutissiat
• Timersorneq sunngiffillu

(Danmarkimi ilisarnaatillit katillugit 24-pput)

Immikkut sammisaqarluni ilinniagaq

Immikkut sammisaqarluni ilinniagaq, ilinniarnermi toqqakkat, sungiusarluni suliffigisat – ilisarnaatit, immikkut ittut toqqaannartumik naatsorsuutigineqartarput. Tuniniaanermi ikiortitut immikkut sammisaqarluni ilinniagassat ilisarnaatillit qallunaat niuernermut ilinniarfiinit aalajangersarneqartarput.

TNI Pisiniarfimmiunngorniassangaanni (atualissangaanni), ukiumut karakteri aammalu misilitsinnermi karakteri suliassani tunngaviusuni Kalaallisut, Qallunaatut, Tuluttut kiisalu Matematik-imi karakter-ini minnerpaaffissaq eqquutsissimassavat, Karakterini minnerpaaffissaq ilinniakkap qanoq ittuunerani apeqqutaavoq.

• Atuarfitsialak: 6/E
• Meeqqat atuarfiani misilitsinnermi angusaq:7
• Meeqqat atuarfiani annertusisami (maleruagassat nutaanngitsut) angusaq:6
• Meeqqat atuarfiani soraarummeernermi Piareersarfiup ataani (atuarfitsialak qaffaseqatigalugu) angusaq:6/E
• Inuussutissarsiutigalugu tunngaviusumik ilinniagaqalernissamut misilitsinneq AEU angusaq: 7/D

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniartitsineq qaammammi oktoberimi aallartissaaq

Neqeroortoq
Niuernermik Ilinniarfik/Grønlands handelsskole

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.

Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat

Siunissami periarfissat / Suliffiusinnaasut
Allaffinni sulinissamut periarfissaqassaatit.
Ilinniakkavit ilinniaqqinissannut ilinniagassanut qaffasinnerusunut periarfissiissaaq

Ilinniarnermik aaqqissuussineq
https://cak.gl/wp-content/uploads/2017/03/TNI-Uddannelsen-Uddannelsesplan-1.pdf

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.