Ilinniagaq pillugu
Receptionisti tikeraanik imaluunniit pulaartunik nuannersumik tikilluaqqusisarpoq akunnittarfimmi imaluunniit ataatsimeersuariartarfimmi ikiorlugillu ajunnginnerpaamik akunnittarfimmiinerminni misigisaqarnissaat siunertaralugu.
Receptionist´itut tikeraat imaluunniit pulaartut ineerassaannut agguataartassavatit ilitsersorlugillu apeqquteqaatigisartagaannut s.a. angallannermut, neriniartarfinnut aamma takornariagassanut.
Ilinniartitaanermi angalanissamut inniminniisarnerup system´ii ilinniassavatit, ataatsimeersuarnerit aaqqissornissaat tikeraanillu imaluunniit pulaartunik attaveqaqatigiinnermut tunngasut qallunaatut tuluttullu.
Piumasaqaat
Inuilimi ilinialernisamut akuerisassaguit – Food College Greenland, Kalaallit Nunaanni meeqqat atuarfiani 9 kl. naammassereersimassavat, kalaallisut matimatikkimilu karakter E/02-mi angusaqarsimallutit. Tamatuma sanatigut tunngavigatigut suliffimmik sungiusarfissarsisimassaatit. Suliffimmik sungisarfissarsisimanngikkuit aallartinnissamut skolepraktikordning-tsinni SKP-mi ikiorsinnaavatsigit. Qinnuteqartut linnialernissamut piumasaqaatinik naammassinnissimasut tamarmik, ilinniarnissamut akuerineqartarput. Ilinnialernissamut piumasaqaatit naammassineqartinnagit immikkut pisoqartillugu piginnaasanik nalilersuinikkut ilinniarnissamut akuersisoqarsinnaavoq.
Attaveqaatitigut qinnuteqaatit nassiunniarukku (MitID-eqaruit)
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
- MitID
- Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
- Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
- Kuisinnermut allagartaq
- Najugaqarnermut uppernarsaat
- Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Ornigullutit qinnuteqaatit tunniukkiartorniarukku (MitID-eqanngikkuit)
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Suliamik sullissinermut suleriaaseq
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Paasissutissat pisariaqartut
Ilinniarnermik aallartiffik
Ilinniagaq ingerlaavartumik aallartittarpoq
Neqeroortoq
Inuili
Aningaasaqarneq
Qanoq sivisutigisumik sulisimaneq ukiut, aamma tapit naapertorlugit ilinniartutut akissarsiaqassaatit
Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat
Siunissami periarfissat/ Suliffiusinnaasut
Neriniartarfinni, akunnittarfinni kiffartuussinermilu sulisinnaassaatit.
Ilinniakkavit ilinniaqqinissannut ilinniagassanut qaffasinnerusunut periarfissiissaaq
Ilinniarnermik aaqqissuussineq
https://inuili.gl/wp-content/uploads/2023/05/Lokal-uddannelsesplan-for-grundforloeb_Receptionist.pdf
Maalaaruteqarneq
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.
Inuili
Iisaap Aqqutaa B-738
Narsaq 3921
Postbox 123
E-Mail: inuili@inuili.gl
+299 66 13 13
https://inuili.gl