Issittumi Nunniortutut Ilinniagaq

Aqqusinermi, umiarsualivimmik mittarfimmillu sanaartornermi maskiinarsuarnik ingerlatsisutut imminut takorloorsinnaavit? Kalaallit Nunaata aatsitassarsiornikkut siunissaanik pilersitseqataarusuppit?Taamaappallu Issittumi Nunnioartutut ilinniagaq ilinnut tulluarpoq.

Ilinniarnerup ilaatigut imarai:

• Sanaartornermi maskiinat assigiinngitsut qanoq atorneqartarnerannik aserfallatsaalineqartarnerannillu ilisimasaqarneq
• Kalaallit Nunaanni sanaartornermik inuussutissarsiuteqarnermut tunngasut
• Sanaartornermut tunngasut, soorlu sanaartornermi teknikki, aqquserniorneq kuussuarniornerlu pillugit ilinniarneq.
• Qaarsummi qillerinerit qaartiterinerillu

Sanaartornermi maskiinat angisuut, qaarsumi qillerineq sanaartornerillu pikkoriffigalugit suliarisinnaagukkit taava ilinniarfik taanna ilinnut tulluarpoq.

Ilinniarnertuunngorniarfimmi isumannaallisaanermut tunngasut tunngaviusut, maskiinat pillugit ilisimasat suleriaatsillu ilinniartinneqartarput.

Ilinniartitsineq sulinermut attuumassuteqartuarpoq, soorlu sanaartornermik aatsitassarsiornermillu suliaqarnermi misilittagaqalernissat siunertaralugu.

Sungiusaatigalugu sulineq
Praktik ilinniarnermi ilaavoq, atuarfik praktikkerfilu paarlakaajaattussaallutik. Atuagarsoriarneq aallartinnginnerani praktikki aallartinneqarsinnaavoq.
Sanaartorfinni imaluunniit aatsitassarsiorfinni praktikkersinnaavutit. Tassani sulisut misilittagartuut ilinniarfigisinnaavatit.

Ilinnialerniarlutik qinnuteqarsinnaapput 10. klassimi inaarutaasumik naammassinnissimasut imaluunniit tassunga assingusumik, minnerpaamik matematikkimi karakter 2-mik angusaqarsimasut.

Biilersinnaanermut allagartaq kategori B-mik taaneqartartoq ilinniarnermi suliffeqarfinni piumasaqaataasarpoq, taamaattumik biilersinnaanermut allagartartaarsinnaanermut ukiut piumasarineqartut anguneqarsimasariaqarput.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
KTI Kalaallit Nunaanni Teknikkimik Ilinniarfik

Aningaasaqarneq
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.

Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit. Ilinniartut suliffimmik misiliiffissanik nassaarsimanngitsut atuarfimmut saaffiginnissinnaapput.

Siunissami periarfissat/ Suliffiusinnaasut
Sanaartorfinni entreprenørilinni imaluunniit Aatsitassalerinerup iluani suliffittaarnissannut periarfissaqarputit.
Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
https://www.kti.gl/da/uddannelser/raastof/erhvervsuddannelser

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.