Katersortarfiit – Nalinginnaasumik paasissutissiineq attartornerlu

Kommuneqarfik Sermersooq

Najukkanni katersortarfik pillugu annertunerusumik paasisaqarumaguit imaluunniit attartorusukkukku, kommune attaveqarfigissavat. Kina attaveqarfigissanerit sumi najugaqarninnit aallaaveqassaaq:
- Nuummi eqqaaniluunniit najugaqaruit, katersortarfik attaveqarfigissavat uunga oqarasuaammut 32 57 46 imalunniit siulittaasoq Gunnar Petersen mobilikkut 48 34 32 imalunniit mailikkut: kat324657@hotmail.com
- Paamiuni eqqaaniluunniit najugaqaruit, kultureqarnermut siunnersorti attaveqarfigissavat uunga oqarasuaammut 68 19 96
- Tasiilami eqqaaniluunniit najugaqaruit, sunngiffimmi pisortaq attaveqarfigissavat uunga oqarasuaammut 36 77 99 / 36 77 32
- Ittoqqortoormiini eqqaaniluunniit najugaqaruit, sunngiffimmi pisortaq attaveqarfigissavat uunga oqarasuaammut 99 16 18

Katersortarfik tassaavoq najukkami innuttaasunut katersuuttarfik, taakkulu inuttut namminneq aamma pisortatigoortumik aaqqissuussinernut init attartornissaannut periarfissaqartarput. Katersortarfiit atorneqartarput assersuutigalugu makkununnga:

Innuttaasunut tamanut inuttut katersuunnerit
Innuttaasunut paasisitsiniaalluni ataatsimiinnerit
Aaqqissuussinerit ataatsimiinnerillu assigiinngitsut, peqatigiiffinnit assigiinngitsunit aaqqissuunneqartut
Kulturikkut aaqqissuussinerit
Bingo-rnerit
Inunnit namminernit, peqatigiiffinnit ataatsimooqatigiinniillu allanit nuannataarnerit katerisimaarnerillu
Inuusuttut ornittagaannit aaqqissuussat

Illoqarfiit tamarmik nunaqarfiillu ataasiakkaat katersortarfimmik peqarput. Katersortarfiit suliffeqarfittut imminnut pigisuupput namminerisamik siulersuisoqarlutik imaluunniit kommunimit pigineqartuullutik.

Aamma atuarsinnaasatit

Kommuneqarfik Sermersooq
Postboks 1005
3900 Nuuk
Oqarasuaat: 36 70 00
Fax: 31 11 51
E-mail: kommuneqarfik@sermersooq.gl
Nittartagaq: www.sermersooq.gl