Timersorneq – Nalinginnaasumik paasissutissiineq

Kommuneqarfik Sermersooq

Kommuneqarfik Sermersuumi timersoqatigiiffiit suut piunersut annertunerusumik paasisaqarfigiumagukkit, kommune attaveqarfigissavat. Kina attaveqarfigissanerit sumi najugaqarninnit aallaaveqassaaq:
- Nuummi eqqaaniluunniit najugaqaruit, timersornermut siunnersorti attaveqarfigissavat oqarasuaammi uani 34 70 00
- Paamiuni eqqaaniluunniit najugaqaruit, immikkoortortami aqutsisoq attaveqarfigissavat oqarasuaammi uani 36 66 27
- Tasiilami eqqaaniluunniit najugaqaruit, sunngiffimmi pisortaq attaveqarfigissavat oqarasuaammi uani 98 15 77
- Ittoqqoortoormiini eqqaaniluunniit najugaqaruit, sunngiffimmi aqutsisoq attaveqarfigissavat oqarasuaammi uani 99 16 18

Timersorneq Kalaallit Nunaanni sunngiffimmi sammisassat annersaraat. Timersornermik sammisassat nammineq piumassutsimik imaluunniit timersoqatigiiffiit aqqutigalugit aaqqissuussamik ingerlanneqarsinnaapput. Timersoqatigiiffiit timersornermi atugassianik attartortarput, assersuutigalugu timersortarfinnik, arsaattarfinnik aamma timigissartarfinnik, taakkunani timersuummik sammisaminnik sungiusarnernik, unamminernik aamma unammersuarnernik aaqqissuussisarput.

Tamatuma kingunerisaanik timersoqatigiiffimmi ilaasortatut:

Sungiusaasumit ilinniartinneqarnermik pisinnaavutit
Timersoqatigiiffiup aaqqissuussaani unammersuarnerni peqataasinnaavutit

Aasaanerani timersoqatigiiffiit arlallit aaqqissuuttarpaat assersuutigalugu isikkamik aamma assammik arsarnermik ilinniarfiit.

Kalaallit Nunaanni illoqarfinni assigiinngitsuni timersuutinilu assigiinngitsuni pissartanngorniunnerit ukiut tamaasa ingerlanneqartarput. Kalaallit Nunaanni pissartanngorniunnerit timersortartut kattuffiannut ilaasortaasunit timersoqatigiiffinnit assigiinngitsunit aaqqissuunneqartarput.

Aamma atuarsinnaasatit

Kommuneqarfik Sermersooq
Postboks 1005
3900 Nuuk
Oqarasuaat: 36 70 00
Fax: 31 11 51
E-mail: kommuneqarfik@sermersooq.gl
Nittartagaq: www.sermersooq.gl