Ataasiakkaanut iliuusissatut pilersaarutit

Nalinginnaasumik paasissutissiineq

Atuartut ataasiakkaat piginnaasaat aallavigalugit atuartitsissutinut ataasiakkaanut iliuusissatut pilersaarusiunneqassapput.
Klasselærerip isumagisassaraa atuarfiup angerlarsimaffiullu oqaloqatigiinnissaat sioqqullugu atuartup minnerpaamik ukiumut marloriarluni ilinniartitsisuni suleqatigalugit iliuusissatut pilersaarusiamik suliaqartarnissaa.

Iliuusissatut pilersaarusiaq makkuninnga imaqassaaq:

atuartup anguniagassai ilikkagassatut anguniagassanut naleqqiunneqarsimasut,
angajullerni atuartup ilinniagarilerusutatut kissaatai aamma ilanngunneqassapput.

Iliuusissatut pilersaarusiaq ima ilusilersorneqartassaaq:

atuartup nammineq anguniakkaminik angusinissaanut tapersersuutaassalluni,
atuartup nammineq anguniakkani angusimanerlugit imaluunniit qanoq annertutigisumik anguniakkani angusaqarfigisimanerlugit nalilersorsinnaassallugu.

Iliuusissatut pilersaarutit ilusilersornera

Atuartunut ataasiakkaanut iliuusissatut pilersaarusiornerup ilaatigut siunertaraa, atuartut ilikkagassatut anguniagassanik ilikkagaqarnissaat qulakkeerniassallugu, kiisalu angajoqqaanik suleqateqarnissaq aqqutissiuutissallugu.

Angerlarsimaffiup atuarfiullu akornanni oqaloqatigiinneq

Iliuusissatut pilersaarutit angerlarsimaffiup atuarfiullu akornanni oqaloqatigiinnerni angajoqqaanilluunniit ataatsimiititsinerni aallaaviusassapput. Ukiumut marloriarluni angerlarsimaffiup atuarfiullu akornanni oqaloqatigiittoqartassaaq. Angajoqqaat oqaloqatigiinnissaq sioqqullugu meeqqamik atuartitsissutini tamani iliuusissatut pilersaarutaat pereertassavaat.

Atuartut ataasiakkaat atuartitsissutini assigiinngitsuni iliuusissatut pilersaarutaasa ilinniartitsisunit katersorneqarnissaat klassimi ilinniartitsisumit akisussaaffigineqarpoq.

Kommuneqarfik Sermersooq
Postboks 1005
3900 Nuuk
Oqarasuaat: 36 70 00
Fax: 31 11 51
E-mail: kommuneqarfik@sermersooq.gl
Nittartagaq: www.sermersooq.gl

Ilinniartitaanermut Aqutsisoqarfik
Kissarneqqortuunnguaq 20
Postbox 1610
3900 Nuuk

Oqarasuaat: (+299 34 50 00)
E-mail: ila@nanoq.gl
Nittartagaq: www.iserasuaat.gl