Nakkutilliineq
Kalaallit Nunaata piffissami aalajangersimasukkaartumi eriagisaqarfittut toqqakkamik nakkutilliisarnissaanik nunarsuarmi eriagisaqarfittut inissisimaneq piumasaqaateqarfiuvoq. Nakkutilliinissamut pilersaarutip nunarsuarmi eriagisaqarfiup ajortisannginnissaa isumannaassavaa.
2006-imi Namminersorlutik Oqartussat aamma GEUS nakkutilliinissamut pilersaarusiorput. Taanna 2010-mi iluarsaanneqarpoq. Nunarsuarmi eriagisaqarfik Ilulissani Kangiata nakkutigineqarnera siunissamik makkuninnga tunngaveqartussaavoq:
Tamakku tunuliaqutaralugit Ilulissani Kangia pillugu allaffiup aamma Namminersorlutik Oqartussat siunissami nakkutilliinissamut makku sianigisaqarfiussasut toqqartorsimavaat:
- Nunarsuarmi eriagisassatut immikkoortortap ilanngunneqarneranut tunngaviliisunik naleqassutsinut tunngasuutinneqassaaq.
- Immikkoortortani annertunerpaamik inuup sunniuteqarfigisaanit misigititaasunut tunngatitaqassaaq.
- Nakkutilliinissamut pisariaqartussanut isumalluutinut naleqqiulluni piviusorpalaassaaq.
Tamakku tunuliaqutaralugit Ilulissani Kangia pillugu allaffiup aamma Namminersorlutik Oqartussat siunissami nakkutilliinissamut makku sianigisaqarfiussasut toqqartorsimavaat:
- Nunarsuarmi eriagisaqarfiup immikkoortuinut ilaanut tikeraat amerlassusaat, taakkulu immikkoortortanut sunniuteqarfii
- Nunarsuarmi eriagisaqarfimmi naasoqarfiusumi eqqakkat annertussusaat nungusaanerlu
- Ilaatigut qulimiguulimmik timmisartornermit, aalisarnermit takornariaqarnermillu immikkoortortami uumasunut sunniuteqarnerit
- Immikkoortortamik atuisut misigisaat
- Nunaannartami sermip tungaatigut nunalerissutitigullu allannguuteqarfiit
- Park rangerimit nalunaarutit
- Ilulissani innuttaasut ataatsimiisinneri soqutigisaqartuusunillu apersuisarnerit
- Immikkoortortamik atuisut akornanni immersugassatigut misissuinerit
- Aalisartut piniartullu peqatigiiffiinik, takornariaqarfimmit sinniisunik assigisaannillu ataatsimeeqateqarnerit
- Namminersorlutik Oqartussanit naatsorsueqqissaarinerit
- Sermimi allannguutinik qaammataasatigut assilisat
