Unnuinermut akitsuut
Paasissutissat nalinginnaasut
Ukioq 2026 aallannerfigalugu takornarissanut allanullu akiliillutik kalaallit nunatsinni unnuisunut Unnuinermut akitsuut akilersinneqartalissaaq.
Unnuinermut akitsuut unnuisumut ataatsimut unnuinermut ataatsimut 30 koruuniuvoq.
Unnuisarfiit tamarmik Unnuineq.gl-imi nalunaarsussammata. Illuaqqanik unnuisarfiutilinnut, AirBnB-iutilinnut, Akunnittarffinnut, Camp-inut, unnuisarfiutilinnut, artartortittagaatilinnut tamanut atuuppoq.
Akiliisussaanngitsut
Unnuinermut akitsuummik akiliissanngillat:
- Kalaallit Nunaanni najugaqartut
- Angalatilluni kinguaattoornermi unnuisariaqartut
- Atatiinnarlugu ullut 21-t sumiiffimmi ataatsimi unnuisut
- Akiliinatik unnuisut
Akiliineq nalunaaruteqarnerlu
Unnuinermut akitsuut unnuiffigineqartuni akilerneqartassaaq.
Unnuinermut akitsuutinut tunngatillugu paasissutissat ukiup sisamaraarterutaanni Unnuineq.gl-ikkut nalunaarsorneqartassapput.
Unnuisarfiit nalunaarsuereeraangata akitsuutillu naatsorsorneqareeraangata ukiumut ataasiarluni kommuninut aningaasanik nuussisoqartassaaq, taamaalliluni inuussutissarsiutinik ineriartortitseqqiinissamut periarfissaqalersitsisinnaalluni, innuttaasullu atugarissaarnissaannik qulakkeerinneqataasinnaalluni.
Akitsuut akilerneqartussaq ukiup sisamararterutaanut katillugit 600 kr.-inik ikinneruppata akileeqquneqassanngilatit. Unnuineq.gl-imulli nalunaarutigineqartussaatitaapput suli.
Frister
Unnuisarfiit ukiup sisamaraarterutai tamaasa kingusinnerpaamik aprilip, julip, oktoberip, januarillu qulinganni unnuisut amerlassusaannik suminngaanneernerannillu nalunaarsuisassapput.
Unnuinermut akitsuutinut tunngatillugu paasissutissat ukiup sisamaraarterutaanni Unnuineq.gl-ikkut nalunaarsorneqartassapput.
Nalunaaruteqareernerup kingorna unnuisarfik akiligassiissummik e-Boksikkut nassinneqassaaq. Akiligassiissummi akiliinissamut piffissaliussaq takuneqarsinnaavoq.
Akileraartarnermut Aqutsisoqarfik
Postboks 1605
3900 Nuuk
CVR-normu 19785386
Oqarasuaat: 34 65 10
E-mail: tax@nanoq.gl
Nittartagaq: www.aka.gl