Uiluinniarsinnaanermut qinnuteqarneq

Inuussutissarsiutigalugu aalisartutut Aalisarnermut, Piniarnermut, Nunalerinermut, Imminullu Pilersornermut Naalakkersuisoqarfimmit aalisarnermik ingerlatannut akuersissummik atuuttumik peqassaatit.

Aalisarsinnaanermut akuersissummik qinnuteqarsinnaavutit:

• inuttut ataasiakkaatut
• ingerlatseqatigiiffittut peqatigiiffittulluunniit
  
  

Aalisarnermut akuersissut aalisakkamut ataatsimut atuuppoq:

• Sumiiffimmi killilikkami ataatsimi
• Ukiumi ataatsimi 1. januar-imiit december 31-nut, imaluunniit
• piffissami aalisarfiusumi ataatsimi Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmit nalunaarutigineqartumi

Uiluinniarnissamut akuersissummik piffissamik killilikkamik qinnuteqarsinnaavutit, tamannalu januarip aallaqqaataaniit decemberip naanissaata tungaanut atuutissaaq. Akuersissummi ukiumi akuersissutip atuuffiani uiluinnik qanoq amerlassutsikkut tonsinik annertutigisunik pisaqarsinnaanersutit takuneqarsinnaassaaq.

Uiluinniarnermi immikkut piumasaqaatit malittarisassallu quppernermi uani atuarsinnaavatit. Matumani ilaatigut eqqiluisaarnissaq pillugu piumasaqaatit malittarisassallu immikkut ittut danskit inatsisaannut malinnittut aammalu angallatip angissusaanut malittarisassat immikkut ittut pineqarput. Inuussutissarsiutigalugu aalisartutut aalisarnermut malittarisassat piumasaqaatillu aalajangersarneqarsimasut malinnissaannut pisussaaffeqarputit.

Inuussutissarsiutigalugu aalisartutut nalunaartarnissamut pisussaaffeqarputit. Pisarisatit saniatigullu pisarisuukkatit nalunaarutigisartussaavatit. Saniatigut pisarisuukkani aalisakkat tunisaanngitsut, timmissat, imaani miluumasut, immami pupiit koralillu pineqarput.

Pinngortitap eriaginissaanut inuttut nammineerlutit akisussaaffeqarputittaaq. Imaq ataatsimoorluta isumalluutigaarput ataatsimoorlutalu aamma akisussaaffigalutigu.
Kalaallit Nunaata aalisarnera pillugu, pisassiissutit pillugit, aqutsinissamut pilersaarutit pillugit il.il. Aalisarnermut Piniarnermut, Nunalerinermut Imminullu Pilersornermut Naalakkersuisoqarfiup nittartagaani paasisaqarnerusinnaavutit. www.apn.gl

Inuussutissarsiutigalugu aalisartutut aalisarsinnaanermut akuersissut pillugu qinnuteqarsinnaanermut piumasaqaatit makku naammassisimassavatit:

• Qitiusumik Suliffeqarfinnik Nalunaarsuiffimmi (CVR-registeret) nalunaarsorneqarsimassaatit
• Angallatit Søfartsstyrelsip angallatinut nalunaarsuiffiani nalunaarsorsimassaaq.
• Kalaallit Nunaanni akileraartuussaatit, ukiunilu kingullerni 5-ni akileraartuusimassallutit
• Kalaallit Nunaanni najugaqartuuvutit, ukiunilu kingullerni 5-ni najugaqartuusimallutit

Tamatuma saniatigut ingerlatseqatigiiffinnut makku piumasaqaataapput:

• Ingerlatseqatigiiffik aktiaateqarluni ingerlatseqatigiiffiussaaq, piginneqataassuteqarfiulluni ingerlatseqatigiiffiussaaq, piginneqatigiiffiussaaq,soqutigisaqaqatigiiffiussaaq imaluunniit piginneqatigiilluni umiarsuaatileqatigiiffiussalluni
• Ingerlatseqatigiiffiup aningaasaatai tamarmik inunnit ataasiakkaanit imaluunniit ingerlatseqatigiiffinniit toqqaannartumik toqqaannanngitsumilluunniit pigineqassapput, taannalu
  
  • Kalaallinut inuiaqatigiinnut aalajangersimasumik attuumassuteqassaaq (piginnittuunermut uppernarsaat aamma inuit allattorsimaffiat)
  • Kalaallit Nunaanni inuit nalunaarsorsimaffianni allanneqarsimalluni najugaqassaaq Kalaallit Nunaannilu inuit nalunaarsorsimaffianni allanneqarsimallutik ukiuni siuliini tallimani najugaqassaaq,
  • Ukiuni qaammatisiuteqarfiusuni tallimani siuliini Kalaallit Nunaanni tamakkiisumik akileraartussaatitaasimassaaq
• Ingerlatseqatigiiffik ukioq kaajallallugu aningaasaqarnikkut patajaatsumik tunngaveqarluni aalisarnissamik qulakkeerinnissimassaaq
  Piginnittuuneq pillugu piumasaqaatit allassimasut Aalisarneq pillugu Inatsisartut inatsisaat 23. maj 2024-meersup atuutilernerata kingorna kingusinnerpaamik ukiut qulit qaangiutsinnagit naammasseriissapput.

Aalisarnermut atortuutit pillugit piumasaqaatit:

• Aalisarnermut atortuutit piginnittup aqqanik aamma/imaluunniit angallatip taaguutaanik ersarissumik nalunaaqutserneqarsimassapput. Nalunaaqutsiinerit imermit arrortinneqarsinnaassanngillat.
• Aalisarnermut atortuutit tamarmik atorneqareernermikkut peerneqartarnissaat nammineerlutit akisussaaffigaat. Aalisarnermut atortuutit nalunaaquttap akunneri 24-t ingerlaneranni qaqissinnaassanngikkukkit tamanna KANUAPNA-mut nalunaarutigissavat. Tunngaviusumik killeqarfimmit 3 sømilit iluanni atortuutitit annaasimagukkit tamanna aamma kommunimut nalunaarutigissavat.

Uiluinniarnermi angallatinut malittarisassat immikkut ittut:
Uiluinniarnermi angallatit angissusissaannut piumasaqaateqartoqanngilaq. Angallatit angisuut sinerissap qanittuani aalisarsinnaapput, angallatillu mikinerit avataani aalisarsinnaallutik.

Inuussutissalerinermut piumasaqaatit:
Uiluinniarnerit inuussutissalerinikkut sukannersumik piumasaqaateqarfiupput. Tamannalu isumaqarpoq aalisarnerup ingerlannerani sapaatip akunneri tamaasa ullormi aalisarfiusumi siullermi uiluinnik misiliutissanik tigusisarnissat pisussaaffiusoq. Tamatuma kingorna uiluiit aalisakkanik missisuisarfimmut nassiutissavatit. Aalisakkanik misissuisarfik danskit Fødevarestyrelsianit akuerineqarsimassaaq. Uiluiit qeqqussat toqunartuinik imaqarsinnaapput, aalisakkanillu misissuisarfiup misissussavaa misiliutissatut nassiunneqartuni qeqqussat toqunartuinik peqarnersoq. Misiliutissanik tigusinermut atatillugu aningaasartuutit illit nammineerlutit tamaasa akilertussaavatit.

Uiluinniarneq aqutsiveqarfinnut arfineq marlunnut agguagaavoq:

• Nuuk
• Aqajaruani (aalisarfigeqqusaanngilaq)
• Attu
• Sisimiut kujataa
• Sisimiut avannaa
• Nassuttooq
• Kalaallit Nunaata sinnerani
  
  

Qinnuteqarfissaq immersorukku aqutsiveqarfiit sorliit akuersissummik kissaateqarfiginerlugit toqqassavat.

Uiluinniarnermi aalisarsinnaanermut akuersissutit pillugit qinnuteqassaguit nammineerluni immersuinissamut toortagaq sungaartoq "Ugguuna qinnuteqarit" quppernermi uani qullerpaamiittoq atorlugu qarasaasiakkut qinnuteqarsinnaavutit Immersuiffissaq qarasaasiakkut immersorniarukku nassiunniarukkulu "Immersoruk nassiullugulu" toqqaruk.

Qinnuteqaatinnut makku ilanngunneqassapput:

• Piginnittuunermut uppernarsaat (ingerlatseqatigiiffinnuinnaq attuumassuteqarpoq)
• Angallataativit Søfartsstyrelsenip angallatinut nalunaarsuiffiani nalunaarsorsimaneranut uppernarsaat (qinnuteqartunut/angallatinut nutaanut taamaallaat atuuppoq)
• Nunami sorlermi najugaqarnermut uppernarsaat, tassanilu uppernarsarneqarsimassaaq angallatit Kalaallit Nunaanneersuusoq, ilinnillu pigineqartoq (qinnuteqartunut/angallatinut nutaanut taamaallaat atuuppoq)
• Angallatip takissusaanut uppernarsaat, tassanilu angallatip pisinnaassusaa uppernarsarneqassaaq (qinnuteqartunut/angallatinut nutaanut taamaallaat atuuppoq)
• Pisariaqarpat angallammut tunngatillugu pisinermut uppernarsaat atsiugaq, taannalu nunami sorlermi najugaqartuunermut uppernarsaataagallartutut atorneqassaaq
• Angallatip digitaliusumik qalipaatilerlugu assilineqarnera (qinnuteqartunut/angallatinut nutaanut taamaallaat atuuppoq)
  
  

Toortakkap sungaartup "Ugguuna qinnuteqarit" toorneratigut qarasaasiakkut nammineerlutit immersuiffissamik immersuillutit aallartissaatit.

Uiluinnik aalisarsinnaanermut akuersissummik qinnuteqarusukkuit qinnuteqarnermut immersugassaq immersoqqaassavat.

Toortagaq sungaartoq "Maanna qinnuteqarit" toorneratigut:

• "Immersoruk anisillugulu" toorsinnaavat, immersugassaq qarasaasiatigut immersornissaa aammalu anisinnissaa kissaatigigukku.

Qinnuteqaatinnut ukua ilanngutissavatit:

• Piginnittuunermut uppernarsaat (ingerlatseqatigiiffinnuinnaq attuumassuteqarpoq)
• Angallatigisavit Søfartsstyrelsenip umiarsuarnut nalunaarsuiffiani nalunaarsorsimaneranut uppernarsaat (qinnuteqartunut/angallatinut nutaanut taamaallaat atuuppoq)
• Nunami sorlermi najugaqarnermut uppernarsaat, tassanilu uppernarsarneqarsimassaaq angallatigisat Kalaallit Nunaanneersuusoq, ilinnillu pigineqartoq (qinnuteqartunut/angallatinut nutaanut taamaallaat atuuppoq)
• Angallatip takissusaanut uppernarsaat, tassanilu angallatip pisinnaassusaa uppernarsarneqassaaq (qinnuteqartunut/angallatinut nutaanut taamaallaat atuuppoq)
• Pisariaqarpat angallammut tunngatillugu pisinermut uppernarsaat atsiugaq, taannalu nunami sorlermi najugaqartuunermut uppernarsaataagallartutut atorneqassaaq
• Angallatip digitaliusumik qalipaatilerlugu assilineqarnera (qinnuteqartunut/angallatinut nutaanut taamaallaat atuuppoq)
  Immersugaq Aalisarnermut, Piniarnermullu, Nunalerinermut Imminullu Pilersornermut Naalakkersuisoqarfimmut tunniutissavat.

Qinnuteqaatit nassiutereerukku, qinnuteqaatit Aalisarnermut, Piniarnermut, Nunalerinermut, Imminullu Pilersornermut Naalakkersuisoqarfimmit nalunaarsorneqassaaq, tassuugulu qinnuteqaativit tiguneqarsimaneranik uppernarsaammik nassinneqassaatit.

• Qinnuteqarnissamut ulloq killerititaasoq nallereerpat qinnuteqaatit Aalisarnermut Piniarnermut, Nunalerinermut, Imminullu Pilersornermut Naalakkersuisoqarfimmit suliarineqalissapput. Avataasiorluni aalisarnissamut qinnuteqarnissamut killiliussaq tassaavoq 1. november.
• Suliarinninneq naammassippat Naalakkersuisullu aalisarnermut akuersissutit pisassiissutillu pillugit nalunaarut naapertorlugu pisassiissutit agguareerpatigit,
  • qinnuteqarsimasuni pisassiissutisisimasut pisassiissutissaannik tunineqarumaarput.
  • pisassiissutissanik tunineqarsimanngitsut tunngavilersukkamik itigartitsissummik nassinneqassapput.
• Qinnuteqarninnut akissuteqaat decembarip naalernerani januarilluunniit aallartinnerani tigujumaarpat.
• Pisassiissutit Naalakkersuisut.gl-ikkut imaluunniit tusagassiutitigut nalunaarnikkut saqqummiunneqarumaarput

Aalisarsinnaanermut akuersissummi massakkut pigisanni paasissutissanik allanngortoqarsimappat, tamanna Aalisarnermut, Piniarnermut Nunalerinermut Imminullu Pilersornermut Naalakkersuisoqarfimmut nalunaarutiginissaanut pisussaaffeqarputit. Assersuutaasinnaapput ingerlatseqatigiiffiutit angallataatilluunniit pillugit allannguinerit.

Allannguutit tiguneqariarpata nutaamik akuersissusiunneqassaatit, tassanilu paasissutissat nutaat ilaatinneqarumaarput.

Inuussutissarsiutigalugu aalisartutut paasissutissat eqqortut tunngavigalugit aalisarnermik ingerlatannut akuersissummik atuuttumik peqarnissat akisussaaffigivat.

Avataasiorluni aalisarsinnaanermut ukiup tullianut qinnuteqarnissamut piffissaliussaq tassaavoq ulloq 1. november.

Aalisarnermut, Piniarnermut, Nunalerinermut, Imminullu Pilersornermut Naalakkersuisoqarfimmit aalajangikkat pillugit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut naammagittaalliuutiginissaanut periarfissaqanngilaq.

Aalisarneq pillugu inatsisartut inatsisaat nr. 18, 31. oktober 1996-imeersoq

Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaat nr. 74, 28. november 2023-imeersoq

Piujuartitsineq siunertaralugu aalisarnerup teknikikkut iluarsartuussivigineqarnera pillugu Namminersorlutik Oqartussat nalunaarutaat nr. 4, 30. marts 2017-imeersoq

Aalisarnermi saniatigut pisat pillugit Namminersorlutik Oqartussat nalunaarutaat nr. 14, 6. december 2011-imeersoq

Kalaallit Nunaannut uiluiit il. il. pillugit nalunaarut nr. 83. 13. februar 2008-meersoq (PDF)
 
Kalaallit Nunaannut uiluiit pillugit nalunaarummut allannguut nr. 789 28. juni 2011-meersoq (PDF)