Suliffeqarfiit pisortaqarfiillu Allakkanik Digitalinik atuineri
Paasissutissat nalinginnaasut
Allakkanik Digitaliusunik alaatsinaattussaatitaaneq
Suliffeqarfiit pisortaqarfiillu inatsisit tunngavigalugit digitalimik allagarsiaminnik misissuisussaatitaapput. Taamaattumik allakkanik pissarsisimanerluni misissornissaa pingaaruteqarpoq.
e-Boksikkut allagarsisimanerluni misissuisimannginnerup kingunerisinnaavaa suliffeqarfiit pisortaqarfiit allataannut akissuteqarnissamut killiliussat imaluunniit aalajangiussaat pillugit maalaaruteqarsinnaanermut killiliussat qaangerneqartoortut.
Allakkat digitalimik pisortaqarfinnit nassiunneqartillugit, naatsorsuutigineqartarpoq allagaq suliffeqarfimmit tigusisussamit tiguneqartoq. Tassa allagaq suliffeqarfiup e-Boksiannut pisimatillugu.
Suliffeqarfiit namminneq akisussaaffigissavaat, suliffeqarfimmi sulisut ilaasa allakkat digitaliusut e-Boksikkut takusinnaassagaat, taamaalillutik aamma qulakkeerniassallugu allakkat isumagineqarnissaat. Suliffeqarfiup digitalimik allagarsiai MitID erhverv imaluunniit MitID privat atorlugu iserfigineqarsinnaapput.
Suliffeqarfiit pisortaqarfiillu www.mitid-erhverv.dk iserfigalugu, suliffeqarfik qanoq ililluni MitID erhvervinik sulisunut tunniussisinnaanerluni, allannguisinnaanerluni, imaluunniit sulisut MitID-tik namminneq atorlugit isersinnaassanersut aalajangertussaavaat, tassanilu uppernarsartussaallugu pineqartut suliffeqarfik pisortaqarfilluunniit sinnerlugu iliuuseqarsinnaasut.