Avataaneersunik sulisussanik atorfinitsitsinissamik qinnuteqarit

Avataaneersunik sulisussanik atorfinititsinissamik qinnuteqarneq.
Suliffeqarfiit nunaqavissunik atorfinititsinissamut pissarsisinnaanngikkunik avataaneersunik sulisussanik atorfinititsinissamik qinnuteqarsinnaapput.

Qanoq qinnuteqarsinnaavunga?
Kommunimit akuersissutinut qinnuteqarnermi immersugassaq immersussavat.

Suut eqqumaffigisassaappat?
Jobindex.gl-imi suliffissamut ussassaarummik sanasimassaatit, taannalu minnerpaamik ullut 14-it Jobindex-imeereerpat, avaataaniit sulisussanik atorfinititsinissamik qinnuteqarsinnaavutit. Tamatuma kingorna immersugassami paasissutissat tamaasa allallugit immersuinissat pingaaruteqarpoq.

Qinnuteqaat nassiukkukku qanoq pisoqassava?
”Nassiuguk” tooreerniariarukku avataaneersumik sulisoqarnissamik qinnuteqaateqarnernut uppernarsaatitut e-mail-imik tigusaqassaatit. Aamma suliffissarsiuussisarfimmut illit toqqarsimasarnut e-mail nassiunneqassaaq. Qinnuteqaat suliarineqareerniariarpat attaveqarfigineqassaatit.

Avataaneersunik sulisussanik atorfinititsinissamik qinnuteqarneq.
Jobindex.gl-imi suliffissamut ussassaarummik sanasimassaatit, taannalu minnerpaamik ullut 14-it Jobindex-imeereerpat, avaataaniit sulisussanik atorfinititsinissamik qinnuteqarsinnaavutit. Tamatuma kingorna immersugassami paasissutissat tamaasa allallugit immersuinissat pingaaruteqarpoq. Pingaartumik Suliffissamut ID aamma suliffissamut ussassaarummut linki pingaaruteqarput, taamaanngippat qinnuteqaat suliarineqarsinnaassanngilaq.

Avataaneersunik sulisussanik atorfinititsinissamik qinnuteqarneq akeqanngilaq.

Qanoq qinnuteqassaaga?
Kommunimit akuersissutinut qinnuteqarnermi immersugassaq immersussavat.

Kommunimit akuersissummik qinnuteqarusukkuit, uuma quppernerup qulaaniittoq toortagaq sungaartoq “Maana qinnuteqarit” aqqutigalugu qinnuteqarsinnaavutit. Imminut sullinniaruit, MitID illit nammineq pigisat isertaatitut atussavat.

Malugiuk:
MitID-it atorlugu iserlutit qinnuteqaatit attaveqaatitigut aatsaat nassiussinnaavat.

Qinnuteqaatit Kommunimut nassiuguk. Qinnuteqaatit Kommunimit tiguneqarnerminiit ullut 14-it iluanni suliarineqassaaq.

Maluginiaqquneqarpoq ataani ilanngunneqartumi, kommunimit akuersissutinut qinnuteqarnermi immersugassaq, taamaallaat atorfiit Kalaallit Nunaannut suliffissarsiortut killilersimaarnissaat pillugu Inatsisartut inatsisaat nr. 22, 13. november 2017-imeersoq, aallaavigalugu tunngassuteqarmata.
Inatsit uani takuuk.

Avataaniit sulisussarsiornermi qinnuteqaatit pillugu apeqqutissaqaruit kommunemut saaffiginnissaatit, tassani suliaq suliarineqartussaammat.

Qinnuteqarnermi piffissamik killigititaqanngilaq.

Qinnuteqaammut nassiussannut atatillugu Kommunip aalajangiinera pillugu maalaarnissamut periarfissaqarputit.

Maalaarutinni allassimassapput:

• Aalajangiinermut sooq maalaaruteqarnersutit tunngavilersuutit allassavatit.
• Uppernarsaatit attuumassutillit kakkiutissavatit.

Maalaarutit uunga nassiutissavat: Isumaginninnermut, Ilaqutariinnermut, Suliffeqarnermut Nunamullu Namminermut Naalakkersuisoqarfik ISN@nanoq.gl.