Toqukkut qimagunneq – Eqqartuussisoqarfiup suliamik suliarinnittarnera
Toqukkut qimagunneq – Eqqartuussisoqarfiup suliamik suliarinnittarnera
Inuk toqugaangat taassuma pigisaasa agguaanneqarnissaat Eqqartuussisoqarfiup akisussaaffigaa.
Eqqartuussisoqarfik toqusoqarneranik palasimit nalunaarfigineqartarpoq. Ilaannikkut Eqqartuussisoqarfik nalunaarfigineqartinnagu piffissaq sivisulaartoq ingerlasinnaasarpoq. Eqqartuussisoqarfik palasimit nalunaarfigineqaraangami iliuusereqqaakkamisut kommuneqarfik, aningaaserivik, INI, Nukissiorfiit aamma Tusass allaffigisarpai, tusarniarlugu toqukkut qimagussimasup aningaasanik pisassaqarfiginerai. Aamma Eqqartuussisoqarfiup illerfissarsiuteqatigiit kingornussassialianillu nalunaarsuisarfik allaffigisarpai.
Tamatuma kingorna Eqqartuussisoqarfiup toqukkut qimagussimasup ilaqutai attaveqarfiginiassavai, nassuiaatinniarlugit toqukkut qimagussimasup pigisai suunersut aamma kikkut ilaqutarinerai. Eqqartuussisoqarfiup ilaqutaasut oqaloqatigereeraangagit eqqartuussisup isummerfigikkajuttarpaa suliaq qanoq inerneqassanersoq. Suliaq assigiinngitsunik arlalinnik suleriaaseqarluni suliarineqarsinnaavoq. Suliap qanoq suliarineqarnissaanut ilaatigut apeqqutaasarpoq toqukkut qimagussimasoq katissimanersoq aamma pigisai aningaasanngorlugit qanoq naleqartiginersut.
Ilaquttavit ilaat toquppat qanoq iliorsinnaavit
Toqusup pigisaasa paarilluarnissaat isumagiuk. Toqusimasoq aningaasanik kaasarfimmioqarpat taakku aningaaserivimmi konto-anut ikineqassapput. Ikisinermut allagartaq uppernarsaat aningaaserivimmullu kort-i Eqqartuussisoqarfimmut nassiutikkit.
Pigisat aningaasanik nalillit – tunineqarsinnaasut – immaqa allattorsinnaavatit. Toqusimasup aningaasaataanik konto-aniittunik tiguseqinak – imaassinnaavoq aningaasat uterteqquneqartut.
Toqusimasup qanigisaasa Eqqartuussisoqarfik attaveqarfigisinnaakuttoorpaat. Eqqartuussisoqarfiup suliaq qanoq suliarissanerlugu siusinnerpaamik oqaatigisinnaavaa ullormiit toquffiusumiit qaammatit marluk missaanni qaangiuppata.
Eqqartuussisoqarfiup suliaq suliarisinnaassaguniuk paasissutissat makku pisariaqartippai:
Paasissutissat amerlanerusut
Eqqartuussiviit nittartagaanni eqqartuussisoqarfiup suliamik suliarinnittarnera pillugu sukumiinerusumik atuarsinnaavutit.
Eqqartuussisoqarfik toqusoqarneranik palasimit nalunaarfigineqartarpoq. Ilaannikkut Eqqartuussisoqarfik nalunaarfigineqartinnagu piffissaq sivisulaartoq ingerlasinnaasarpoq. Eqqartuussisoqarfik palasimit nalunaarfigineqaraangami iliuusereqqaakkamisut kommuneqarfik, aningaaserivik, INI, Nukissiorfiit aamma Tusass allaffigisarpai, tusarniarlugu toqukkut qimagussimasup aningaasanik pisassaqarfiginerai. Aamma Eqqartuussisoqarfiup illerfissarsiuteqatigiit kingornussassialianillu nalunaarsuisarfik allaffigisarpai.
Tamatuma kingorna Eqqartuussisoqarfiup toqukkut qimagussimasup ilaqutai attaveqarfiginiassavai, nassuiaatinniarlugit toqukkut qimagussimasup pigisai suunersut aamma kikkut ilaqutarinerai. Eqqartuussisoqarfiup ilaqutaasut oqaloqatigereeraangagit eqqartuussisup isummerfigikkajuttarpaa suliaq qanoq inerneqassanersoq. Suliaq assigiinngitsunik arlalinnik suleriaaseqarluni suliarineqarsinnaavoq. Suliap qanoq suliarineqarnissaanut ilaatigut apeqqutaasarpoq toqukkut qimagussimasoq katissimanersoq aamma pigisai aningaasanngorlugit qanoq naleqartiginersut.
Ilaquttavit ilaat toquppat qanoq iliorsinnaavit
Toqusup pigisaasa paarilluarnissaat isumagiuk. Toqusimasoq aningaasanik kaasarfimmioqarpat taakku aningaaserivimmi konto-anut ikineqassapput. Ikisinermut allagartaq uppernarsaat aningaaserivimmullu kort-i Eqqartuussisoqarfimmut nassiutikkit.
Pigisat aningaasanik nalillit – tunineqarsinnaasut – immaqa allattorsinnaavatit. Toqusimasup aningaasaataanik konto-aniittunik tiguseqinak – imaassinnaavoq aningaasat uterteqquneqartut.
Toqusimasup qanigisaasa Eqqartuussisoqarfik attaveqarfigisinnaakuttoorpaat. Eqqartuussisoqarfiup suliaq qanoq suliarissanerlugu siusinnerpaamik oqaatigisinnaavaa ullormiit toquffiusumiit qaammatit marluk missaanni qaangiuppata.
Eqqartuussisoqarfiup suliaq suliarisinnaassaguniuk paasissutissat makku pisariaqartippai:
- Toqukkut qimagussimasoq katissimanikuua?
- Toqukkut qimagussimasoq qitornaqarpa, aamma toqoreernikunik?
- Toqukkut qimagussimasoq aningaasanik nalilinnik sunik pigisaqarpa?
- Toqukkut qimagussimasoq katissimanikuuppat Eqqartuussisoqarfik aamma paasitinneqassaaq aappaasoq sunik pigisaqarnersoq
Paasissutissat amerlanerusut
Eqqartuussiviit nittartagaanni eqqartuussisoqarfiup suliamik suliarinnittarnera pillugu sukumiinerusumik atuarsinnaavutit.