MitID-mi matuneqarsimappat

MitID app-imut PIN- kode puigorsimagukku imaluunniit MitID app matuneqarsimappat app-i aallaqqaataaniit atuutilersissavat nutaamillu PIN-kodeliorlutit.
MitID app assigiinngitsunik iliorlutit atuutilerseqqissinnaavat, nutaamik PIN-kodeliorsinnaaniassagavit.

• Pas/ID-kort atorlugu app atuutilerteqqiguk.
• MitID support ikiortigalugu app atuutilerserteqqiguk, taakkua sms-ikkut PIN-kodemik nutaamik nassissavaatsit.
• Innuttaasunut Sullissivimmi app-i atuutilerserteqqiguk, utaqqiisaasumik PIN-kodemik atorsinnaasarnik tunissavaatsit.

MitID app pas-it atorlugu atuutilerseqqissallugu periarfissaqarputit. MitID app-imut amerlavallaamik kukkullutit PIN-kode toortarsimagukku taamaaliorsinnaavutit- imaluunniit assersuutigalugu app-imut PIN-kodet puigorsimagukku.

PIN-kode puigorneqarsimava imaluunniit kukkusaqattaarpallaarsimava?

MitID app-ernut PIN-kode kukkusaqattaarpallaarsimagukku app matuneqarsinnaavoq. App matunikoq atuutsilerseqqissinnaavat kinaassutsivit pas/ID-kort-iluunniit scan-nerlugu kiinnamullu ilisarititsissut atorlugu uppernarsarneratigut. Taamaaleriarlutit nutaamik PIN-kodeliorsinnaavutit, app-ilu atorsinnaanngoqqillugu. PIN-kode aamma puigorsimagukku taamaaliorsinnaavutit.

Pas-imik scan-nerisinnaasumik oqarasuaateqassaatit. Oqarasuaativit system-iata opdaterersimanissaa isumagiuk. Oqarasuaatip indstilling-iani misissorsinnaavat. Oqarasuaarternut teknik-ikkut piumasaqaatit atuarusukkukkit atuarsinnaavatit: MitID.dk/tekniske-krav (qupperneq danskisuinnaq tuluttuinnarlu atuarneqarsinnaavoq)

1. MitID app ammaruk skærmimilu qullerpaami ´periarfissat´ toorlugu
2. ”App-imut atortut” tooruk
3. ”PIN-kode”tooruk
4. ”PIN-kode puigorakku?”tooruk
5. Quppernermi ´PIN-kode puiorpiuk?´-mi allaqqasumi ”Tulllia”tooruk
6. Atuisoq toqqaruk (app-imi atuisut arlaliuppata)
7. Quppernermi ´Qanoq ilillutit PIN-kode taarserneriarpiuk?`-mi ”Pas/ID-kort-it atoruk”toqqaruk, ”Tullia” -lu toorlugu
8. Piumasaqaatit naammasseqqusallu akuerikkit - Inuinnarnullu politikki piumaguit atuarlugu
9. Pas/ID-kort-it atorlugu kinaassutsit uppernarsaruk 1)pas/ID-kort-ip kodea scannerlugu 2) pas/ID-kort-ip chip-ia atuartillugu aamma 3) Kiinnanut ilisarinnittartumut takutillugu
10. Taassuma kingorna PIN-kode-it toortassavat- taava MitID app atorsinnaanngoqqissavat.

MitID Support-ip sms-imik PIN-kodemik utaqqiisaasumik atugassarnik nassissinnaavaatit. Taamatulli pisoqartinnagu oqarasuaatikkut kinaassutsit uppernarsassavat. Pas-ivit imaluunniit kørekort-ivit normua paasissutissiissutigissavat (kørekort Danmarkimeersoq imaluunniit nunatsinneersoq atuuttoq imaluunniit pas-i atuuttoq), taassuma kingorna inuup normuinut allattorsimaffimmi illit pillutit paasissutissat allaqqasut pillugit apersorneqassaatit. Apeqqutit naammattut akisinnaanngikkukkit MitID Support-ip utaqqiisaasumik PIN-kode-mik nassissinnaanngilaatit, taamaassappallu Innuttaasunut Sullissivimmut imaluunniit nunaqarfimmi allaffimmut aatsaat ornigullutit nutaamik PIN-kodetaarnissarnik ikiorneqarsinnaavutit.

Oqarasuaativit normua allanngortissimagukku

Oqarasuaativit normua ulluni kingullerni tallimani aatsaat ikkussimagukku allanngortissimagukkuluunniit support-ip utaqqiisaasumik PIN-kode-ssarnik nassissinnaanngilaatit, taamaammat Innuttaasunut Sullissivimmut nutaamik PIN-kode-taarnissarnut qinujartussaatit.

MitID Support-imut sianerit uunga +45 33 98 00 10

Allaffiginata sianerfigissavatsigut

PiN-kodemik utaqqiisaasumik piniassaguit, PiN-kode-mut nutaamik pitaarnissarnut atugassarnik, taamaallaat supporrt-imut sianerlutit pissarsisinnaagavit eqqumaffigiuk. Tassa support-imut allallutit utaqqiisaasumik PIN-kodemik qinusinnaanngilatit.

MitID Support-imiit utaqqiisaasumik PIN-kode-mik nassinneqareeruit

Support-imiit utaqqiisaasumik PIN-kode-mik nassitsereeruit tullinnguullugu qanoq iliussanersutit apeqqutaavoq app-imi qanoq allaqqanersoq.
App-i ammarukku takusinnaavat matuneqarsimasoq:

1. MitID app-imi toqqagassat ammakkit, App-ip aaqqissuunnera tooruk, PIN-kode taava PIN-kode taarseruk
2. ’Utaqqiisaasumik PIN-kode’ toqqaruk
3. PIN-kode arfineq pingasunik kisitsisitalik sms-issikkut nassiussassarsiarisimasat ikkuguk
4. PIN-kode arfinilinnik kisitsisilik nammineq pigisassat toqqaruk.
5. PIN-kode arfinilinnik kisitsisitalik toortaqqiguk.

MitID app-it nalunaarpoq ´Atorneqarnissaminut piareerpoq`:

1. MitID app-imi toqqagassat ammakkit,App-ip aaqqissuunnera tooruk, PIN-kode taava PIN-kode puiorpiuk?
2. ’Utaqqiisaasumik PIN-kode’ toqqaruk
3. PIN-kode arfineq pingasunik kisitsisitalik sms-issikkut nassiussassarsiarisimasat ikkuguk
4. PIN-kode arfinilinnik kisitsisilik nammineq pigisassat toqqaruk.
5. PIN-kode arfinilinnik kisitsisitalik toortaqqiguk.

Utaqqiisaasumik PIN-koderisassaq 30 minutsit iluani tigoreerneraniit atorsinnaavoq.

Innuttaasunut Sullissivimmut apuukkuit kinaassutsimut uppernarsaat atorlugu kinaassutsit uppernarsarlugu PIN-kode utaqqiisaasumik atugassat pisinnaavat.
MitID pillugu Innuttaasunut Sullissivimmi amerlanerusunik atuagassarnik nassaarsinnaavutit: