e-Boks-ikkut allakkat digitaliusut
Nalinginnaasumik paasissutissiineq
15-ileereersimaguit Allakkanik Digitaliusunik pisartagaqalersimassaatit. e-Boksimut iserlutit allakkannik atuaaqqaarnialeruit atuisutut nalunaarsorniarlutit oqarasuaatippit normua e-mailadressillu allattariaqarpatit. e-Boksimut isersinnaavutit ukua naammassisinnaagukkit:
- MitID -qarputit
- Kalaallit Nunaanni najugaqarputit
e-Bokseqarneq akeqarpa?
MitID aqqutigalugu e-Boks atorlugu allakkanik digitaliusunik atuarneq
Qarasaasiaq, tablet smartphonerlu atorlugit e-Boksimut isersinnaavutit.
e-Boksimut iserniaruit MitID-qartariaqarputit. MitID akeqanngitsumik pissarsiarisinnaavat. MitID pillugu paasisaqarnerorusukkuit ’MitID’ iserfigalugu atuaqqissinnaavutit.
Qarasaasiaq atorlugu e-Boksimut iserneq
e-Boksip innersuussutigaa uku operativsystemit browserillu arlaat atussagitit:
Operativsystemi:
- Microsoft Windows
- Apple MacOS X
- Linux
Browseri:
- Microsoft Internet Explorer (version 6 nutaanerluunniit)
- Mozilla (Firefox, Netscape assingusorluunniit)
- Opera (version 7 nutaanerluunniit)
- Safari
- Google Chrome
PDF:
- Adobe Acrobat (version 6.0.1 nutaanerluunniit innersuussutigineqarpoq)
- Adobe Reader (version 6.0.1 nutaanerluunniit innersuussutigineqarpoq)
Adobe Reader akeqanngitsumik uani aajuk (Nutaamik ammaassaatit)
e-Boksimi karseqqaat nuisartut
e-Boksip atortorissaarutitik arlallit karseqqaanik nuisartortaqartippaat.. Taamaattumik nuisartut nuisarunnaartissimagukkit nuisarsinnaaqqilersissavatit.
Smartphonikkut e-Boks appi atorlugu allakkanik atuarneq
Smartphoneqaruit appi e-Boks atorsinnaavat.
- App Store Google Playiluunniit aqqutigalugu appi aaguk.
- Ilitsersuutit malillugit MitID atorlugu iserit.
e-Boksimi sillimaniarneq
e-Boksimi inuup normuinik atuisoqarsinnaanera peqqutaalluni, e-Boksimut tunngatillugu sukannersumik inatsisitigut piumasaqaateqartoqarpoq, taakkualu Danmarkimi Datatilsynetimit nakkutigineqarlutillu akuerineqarnikuupput.
e-Boksimi sillimaniarneq pingaarutilerujussuartut inissisimavoq, e-Boksimillu paasissutissaatitit illersorneqartorujussuullutik. E-Boks aqqutigalugu attaveqarneq paasiuminarsakkatuinnaq ingerlanneqartarpoq.
Paasissutissat qularnaatsumik datacenterimi KMD-mi toqqorneqarsimapput, tassanilu sillimaniarnermi piumasarineqartut sakkortunerpaat naammassineqarsinnaapput. KMD Danmarkimi IT-qarnermi Softwareqarnermilu suliffeqarfiit annersaasa ilagaat.