Aqutsineq

“Nunarsuarmi eriagisaqarfik Ilulissat Kangianut aqutsinissamut pilersaarut” aallaavigalugu Ilulissani Kangianik aqutsineq pisarpoq.
Aqutsinissamut pilersaarutip pingaarnertut anguniagarai Nunarsuarmi eriagisanut Ilulissat Kangiata ilanngunneqarneranut naleqassutsit (sermimik ilisimasassarsiorneq pinngortitallu pinnissusaa) illersornissaat.

Aammattaaq illersuinerup atugarineratalu akornanni naleqquttumik oqimaaqatigiittoqarnissaanik aqutsinissamut pilersaarut isumannaarinnissaaq.

Aqutsineq naleqqussartuagaavoq
Namminersorlutik Oqartussat suleqatigalugit Ilulissani Kangia pillugu allaffeqarfimmit 2009-mi aqutsinissamut pilersaarut suliarineqarpoq. Pilersaarut soqutigisaqaqatigiit Ilulissanilu innuttaasut oqaloqatiginerisigut pivoq, kingulliit innuttaasunik ataatsimiisitsinerni isummaminnik ilapittuinissaminut periarfissinneqarsimallutik.

Nunarsuarmi eriagisaqarfimmik aqutsineq immikkoortortami maannakkut ajornartorsiutaanut naleqqussarneqartuarpoq. Ukiumoortumik innuttaasunik ataatsimiisitsisoqartarnikkut taamatut ingerlatsisoqarneranut innuttaasut sunniuteqarsinnaanerat isumannaarneqarpoq.

Kikkut akisussaaffik tigummivaat?
Ilulissat Kangiata aqunneqarnera Ilulissani Kangia pillugu allaffeqarfiup, Nunamut namminermut, Pinngortitamut Avatangiisinullu Naalakkersuisoqarfiup aamma Danmarkimi Kulturarvstyrelsip akornanni suleqatigiinnikkut pivoq.

Ilulissani Kangia pillugu allaffeqarfik, Qaasuitsup Kommunianiittoq nunarsuarmi eriagisaqarfimmik nakkutilliinermut ulluinnarnilu ingerlatsinermut akisussaasuuvoq.

Ilulissat Kangianut Aputsinissamut pilersaarut downloaderuk