Illorsuassamik titartakkakkamik unammititsinermi Dorte Mandrup Arkitekter ajuaavoq


14. december 2016

Dorte Mandrup Arkitekter isigiuminartumik
illorsualiornialerput UNESCO-p eriagisanik illersugaannut ataqqinnittumik. Illorsuassaq
takornariaqarnermut siuarsaaqataasooq, tamatuttaarlu silaannaap
kissakkiartorneranut paasititsiniaanermi iluaqutaassalluni. Takornarissat ornittagassaat
alutornarluinnartoq, alloriarnermik qanillivoq illussanik titartaasartut Dorte
Mandrup Arkitekter illorsuassamik siunnersuutaat Ilulissat Kangerluata
qitiuffigisassaanik. Illorsuassaq nunatsinni takornariaqarneq
siuarsaaqataaffigissuaa, Nunarsuarpullu tamakkerlugu isaariaassalluni Ilulissat
Kangerluannut qanoq paasineqassanersoq, minnerunngitsumillu kulturi,
oqaluttuarisaaneq malunnarluinnartumillu sermersuup aakkiartornera. Aallartitisaasuupput
Naalakkersuisut, Qaasuitsup Kommunia Realdania-lu. –Dorte Mandrup
Arkitekter-ikkut siunnersuutaat toqqarsimavarput taalliatullusooq suliatut
siumullu isigisutut pilersaarusiaammat, illorsuassatut iluitsutut takorluugaq kusanarluinnartumik
tapersersormagu. Illorsuassaq pinngortitamut ataqqinnilluni alutornarluinnartussaanissaa
Jan Søndergård-ip Det Kongelige Danske Kunstakademi-mi KHR arkitekter-imilu
suleqataasup dommerpanel-ip oqaaseqartittagaa oqarpoq.